На фоне пагаршэння сітуацыі са свабодай веравызнання ў Беларусі Аляксандр Лукашэнка павіншаваў Папу Францішка з 87-м днём нараджэння і 70-годдзем святарскага паклікання.
«На працягу многіх гадоў вы нястомна несяце свету святло, дабро і любоў, дзеліцеся мудрасцю, аддаяце кожнаму кавалачак свайго сэрца», — гаворыцца ў віншаванні.
Лукашэнка падзякаваў Францішку за яго малітвы і клопат пра Беларусь і яе вернікаў, дружбу і павагу. «З цяплом успамінаю нашу сустрэчу і шчырую размову», — напісаў Лукашэнка.
Супрацоўніцтва са Святым Пасадам мела і ў далейшым будзе мець асаблівую значнасць для Беларусі, дадаў Лукашэнка.
«Нягледзячы на перашкоды, з якімі мы сутыкаемся, Мінск і Ватыкан імкнуцца да захавання ўстойлівага міру, заснаванага на прынцыпах справядлівасці і раўнапраўя для краін свету. Узаемная падтрымка рэалізацыі такіх мэт дае надзею, што наш сумесны голас будзе пачуты», — дадаў ён.
Сітуацыя са свабодай веравызнання ў Беларусі працягвае пагаршацца па меры таго, як Аляксандр Лукашэнка падпарадкоўвае сабе ўсе аспекты грамадскага жыцця. У краіне затрымліваюць святароў і вернікаў. У верасні 2022 года чыноўнікі закрылі мінскі касцёл Святых Сымона і Алены (Чырвоны касцёл) пасля загадкавага пажару, які ўспыхнуў у невялікай прыбудове. З тых часоў касцёл застаецца зачыненым на рамонт.
-
У Салігорску паказалі, што робіцца ў адным з дамоў са смеццеправодам ВІДЭА
-
У Браславе басейн, адкрыты да 7 лістапада, спыніў працу ўжо праз некалькі дзён
-
«Людзі, якія прымаюць рашэнні і ставяць подпісы, сталі хавацца». Адвакатка Ціханоўскага, Бабарыкі і Дзядка расказала пра суддзяў, якія выносяць незаконныя прысуды
Каментары