У Палаце прадстаўнікоў прынялі ў першым чытанні папраўкі ў закон «Аб прэзідэнце Рэспублікі Беларусь». Яго прадстаўляла старшыня Савета Рэспублікі Наталля Качанава, якая сярод іншага акцэнтавала ўвагу, што новы закон замацоўвае пажыццёвыя гарантыя для экс-прэзідэнтаў і іх сямейнікаў.
«Вызначаецца, што прэзідэнт, які спыніў выкананне паўнамоцтваў у сувязі са сканчэннем тэрміну яго знаходжання на пасадзе, альбо датэрмінова ў выпадку яго адстаўкі або стойкай недзеяздольнасці праз стан здароўя ажыццяўляць абавязкі прэзідэнта, мае недатыкальнасць», — патлумачыла Качанава.
Яго, маўляў, няможна будзе прыцягваць да адказнасці за дзеянні, якія ён здзейсніў у сувязі з выкананнем прэзідэнцкіх паўнамоцтваў. І ўвогуле няможна будзе пазбаўляць волі былога прэзідэнта на такіх падставах.
Прыняцце новых законаў лукашысты ініцыявалі ў сувязі з тым, што летась яны прынялі новую канстытуцыю, і трэба, каб іншыя прававыя акты прынамсі фармальна ёй адпавядалі.
Цяпер чытаюць
«Каб купіць дом, працавала на нарказаводзе». Пасля 2020-га беларуска з пяццю дзецьмі пераехала ў Канаду14
Каментары