З усіх пацярпелых і тых, хто звярнуўся па медыцынскую дапамогу ў паліклінікі, траўмапункты, стацыянарныя лячэбныя ўстановы — шпіталізаваны 17 чалавек, а амбулаторную дапамогу атрымалі 78 чалавек, паведамляе Мінздароўя.
Адзначым, што з-за галалёднай траўмы пацярпелі не толькі дарослыя, але і дзеці. Так, з усіх дзяцей і падлеткаў, якія звярнуліся, — 32 былі агледжаны амбулаторна, 2 — шпіталізаваны.
Больш за ўсё пацярпелі жыхары Брэсцкай вобласці (63 чалавекі), Віцебскай (13), Мінскай (9), Гродзенскай (2) абласцей, а таксама Мінска (8).
Галалёд пакуль што не закрануў Магілёўскую і Гомельскую вобласці.
З выпадзеннем першага снегу звычайна ў 2-3 разы павялічваецца частата зваротаў наконт траўмаў.
У асноўным гэта ўдары, пераломы касцей у 15 працэнтах, а вывіхі ў 10 працэнтах выпадкаў. Прычынамі пашкоджанняў, як правіла, з'яўляюцца падзенні з-за стану тратуараў, дарогі (галалёд, выбоіны, ямы, калдобіны і інш.).
Як пазбегнуць траўмаў і што рабіць, калі вы атрымалі траўму
Асноўны спосаб прафілактыкі траўмаў зімой — абачлівасць пры перамяшчэнні па тратуарах, пешаходных дарожках, пешаходных пераходах на маставой, асабліва пры наяўнасці снежных заносаў і галалёду.
У значнай меры гэта адносіцца да кіроўцаў — захаванне хуткаснага рэжыму, максімальна ўважлівае стаўленне да ўдзельнікаў дарожнага руху. Але, калі адбылося падзенне, то неабходна падаць на бок, па магчымасці ацаніўшы месца падзення, каб не атрымаць дадатковыя пашкоджанні.
Затым праз мінакоў або іншых выклікаць брыгаду хуткай медыцынскай дапамогі або пры магчымасці самастойна звярнуцца ў найбліжэйшую медыцынскую ўстанову.
Самастойна або з дапамогай навакольных стварыць умовы нерухомасці для пашкоджанай канечнасці пры дапамозе падручных сродкаў.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты7
Каментары