Нацбанк абнавіў пералік сістэмна значных банкаў на 2024 год. З'явіўся новы спіс і ўстаноў другога ўзроўню.
Да самых важных банкаў аднеслі Беларусбанк, Белаграпрамбанк, Прыёрбанк, СберБанк і Альфа-Банк.
Традыцыйна лічыцца, што весці справы з першай катэгорыяй устаноў бяспечней за ўсё. Гэта ж тычыцца і пытання аб захаванасці ўкладаў, піша Tochka.by.
Банк БелВЭБ, Белгазпрамбанк, Белінвестбанк, МТБанк, Банк ВТБ (Беларусь) і БНБ-Банк аднеслі да другой катэгорыі ўстаноў.
У параўнанні з 2023 годам змены нязначныя. Месцамі памяняліся толькі Альфа-Банк і Банк БелВЭБ.
Як банк становіцца важным
Каб атрымаць статус сістэмна значнай, установе трэба мець вялікі маштаб дзейнасці і цесныя сувязі з банкамі-рэзідэнтамі.
Выбраныя павінны ў плыні 2024 года забяспечыць выкананне ўмоў дастатковасці нарматыўнага капіталу, якія вызначаюцца з улікам буфера сістэмнай значнасці.
Банк павінен сфармаваць камітэт па ўзнагароджаннях на чале з незалежным дырэктарам.
Каментары