Школа працуе як нефармальны адукацыйны праект для маладых літаратараў. На практычных занятках з пастаяннымі выкладчыкамі, лекцыях і майстар-класах запрошаных навукоўцаў і аўтараў маладыя, апантаныя літаратурай людзі вучацца чытаць, пісаць, а таксама слухаць сябе ды іншых.
Сёлетнія выкладчыкі школы — Ульяна Верына, Віктар Жыбуль, Марына Казлоўская, Андрэй Хадановіч — літаратары, педагогі, даследчыкі і навукоўцы са шматгадовым вопытам творчай працы, піша bellit.info.
Яны дадуць вам асновы тэорыі прозы, паэзіі і паэтычнага перакладу; методыка выкладання ставіць акцэнт на камунікацыі і ўзаемным абмеркаванні вашых тэкстаў з калегамі. Акрамя асноўнага курса, навучэнцаў чакаюць майстар-класы і спецкурсы ад беларускіх літаратараў.
Навучанне ў ШМП працягваецца з лістапада 2023 г. да траўня 2024 г., заняткі будуць праходзіць па суботах. Навучанне — бясплатнае, дыстанцыйнае, вочнае — on-line сустрэчы. Таму краіна вашага пражывання не стане перашкодай — пішыце!
Правілы афармлення заяўкі
Пажаданы ўзрост удзельнікаў і ўдзельніц — да 35 гадоў.
Заяўка павінна ўключаць:
- 1) уласны мастацкі твор любога жанру (паэзія, проза, эсэ), альбо фрагмент твора, на беларускай альбо рускай мове аб’ёмам 2-5 старонак;
- 2) матывацыйны ліст з адказам на пытанне, чаму вы хочаце паступіць у Школу маладога пісьменніка;
- 3) спіс з 5-10 кніг, якія на вас паўплывалі найбольш.
Вашыя ўзоры твораў, матывацыйны ліст і спіс кніг дасылайце на паштовую скрыню [email protected] разам адным файлам у фармаце.doc (.docx).
Тэма электроннага ліста: Школа 2023-2024
На першай старонцы файла абавязкова пазначце сваё імя і прозвішча, дату нараджэння, e-mail і найлепшы спосаб сувязі.
Файл назавіце лацінкай наступным чынам ― «вашае прозвішча, ніжняе падкрэсліванне, вашае імя», напрыклад: Kupala_Janka.doc
Заяўкі не рэцэнзуюцца. Прыём паводле конкурсу, колькасць месцаў абмежаваная, адбор прэтэндэнтаў адбываецца паводле матывацыйных лістоў і ўзору твораў. Пра вынікі прыёмнай кампаніі будзе паведамлена ў паштовай рассылцы на адрасы, пададзеныя ў заяўках.
Дэдлайн дасылкі заявак — 28 кастрычніка. Падвядзенне вынікаў — 1 лістапада.
Залічаныя на курс Школы атрымаюць лісты з пацверджаннем залічэння на e-mail.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»3
Каментары