15-гадоваму Адаму Кадыраву, сыну кіраўніка Чачні Рамзана Кадырава, прысвоілі званне Героя Чачні. Пра гэта заявіў дэпутат Дзярждумы ад Чачні Адам Дэлімханаў.
«Няма сумненняў, дарагі пляменнік Адам Рамзанавіч з'яўляецца яркім прыкладам выключна пісьменнага, усебакова адукаванага і мэтанакіраванага маладога чалавека. З самых юных гадоў ён праяўляў лідарскія і арганізатарскія якасці, заўсёды імкнуўся да ўласнага развіцця і ніколі не марнаваў час», — напісаў Дэлімханаў у сваім тэлеграм-канале.
Нядаўна Адам Кадыраў праславіўся тым, што збіў у грозненскай турме Мікіту Жураўля, абвінавачанага ў спаленні Карана ў Валгаградзе.
Грозненская паліцыя нібыта пачала, але адразу ж закрыла праверку па гэтым факце, бо на момант збіцця Адаму было толькі 15 гадоў і ён не ўступіў ва ўзрост, па якім надыходзіць адказнасць за гэтае парушэнне. Гераізацыі ж узрост не перашкода.
«Ты будзеш мне міла ўсміхацца». Сын Кадырава, які моцна збіў чалавека ў СІЗА, адказаў на крытыку ў свой адрас
Кадыраў прыгразіў Сабчак, каб «не чапала» яго сям'ю, і патлумачыў выхадку свайго сына ў СІЗА
«Пабіў і правільна зрабіў». Рамзан Кадыраў апублікаваў ролік, у якім ягоны сын жорстка збівае чалавека
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?1
Каментары