Грамадства1111

«Укладаюся ў 2,5 рубля». Колькі грошай беларусы аддаюць на абеды ў сталоўках і кавярнях

Колькі грошай трэба, каб паесці ў сталоўцы або кавярні? Такое пытанне сваім чытачам у сацсетках задаў «Анлайнер». Высветлілася, што добра паабедаць можна на зусім розныя сумы.

2,58 рубля

Ірына працуе ў Гомелі і ўмудраецца выдаткаваць на абед менш чым тры рублі.

Хтосьці мог бы з'едліва сказаць: напэўна, Ірына бярэ толькі хлеб. А вось і не, на гэтыя грошы ў яе выходзіць першае, другое, салата і напой.

Тут на фота гарохавы суп, катлета з курыцы, макарона, салата з капусты і чай.

Дзе так танна можна паесці? У студэнцкай сталоўцы БелДУТ.

4,20 рубля ў сталоўцы БНТУ

Гэта абед Сяргея, ён таксама абедае ў студэнцкай сталоўцы — заходзіць на абед у БНТУ.

На падносе расольнік за 1 рубель, макарона каштавала 38 капеек, пячонка крыху менш за 2 рублі і сок (у чэку напісана «ананасавы», але больш падобны да таматнага).

4,91 рубля

Юлія таксама ходзіць у сталоўку БНТУ, ёй трэба 5-6 рублёў на абед.

«Вельмі смачна і нядорага. Ежа нагадвае школьныя гады, а камусьці дзіцячы сад. А якія булачкі! Як у дзяцінстве».

Максім таксама купляе абеды ў сталоўках БНТУ.

«Я працую побач з універсітэтам, мне да яго 5 хвілін пешшу. Доўгі час заказваю прыкладна адно і тое ж (калі не паспяваю дома паабедаць), укладаюся ў 10 рублёў».

На фота — першая страва, дзве порцыі гарачага, піражок, тры кавалачкі хлеба, кампот.

6 рублёў

Кірыла кожны працоўны дзень заходзіць у сталоўку завода «Атлант». На падносе ў яго гарохава-бульбяны суп па 56 капеек, тушаная капуста па 85 капеек, смажаніна са свініны па 2,95 рубля, салата па 45 капеек. «Звычайна я ўкладаюся ў 6 рублёў», — кажа ён.

Кірыла таксама паказаў меню сталоўкі — больш за палову страў каштуюць менш за 1 рубель. Хіба што толькі за порцыю мяснога альбо рыбы трэба заплаціць каля 3 рублёў.

Каля 7 рублёў

Максім працуе ў офісе, які размешчаны недалёка ад Мінскага электратэхнічнага завода імя Казлова, там і есць.

«Уваход у сталоўку вольны. Абед на фота абышоўся мне прыкладна ў 7-8 рублёў».

7,64 рубля

Абед Кірылы ў горадзе Івацэвічы — капуста, дранікі і катлета каштавалі крыху больш за 7 рублёў.

«Гэта абед у сталоўцы «Крыніца» недалёка ад вакзала. Каб паесці, мне хапае 6-9 рублёў».

9-12 рублёў

Прыкладна такі абедзенны бюджэт у Алесі. Звычайна разам з калегамі яна абедае ў «Lidbeer Bar Легенда» ў Мінску.

Тут на фота злева — выключэнне: зайшлі ў кавярню «Кітайская раменная». Такі суп з локшынай каштуе 16 рублёў, порцыя велізарная. У «Lidbeer Bar Легенда», па словах Алесі, на 9-12 рублёў можна ўзяць суп, мяса і гарнір альбо мяса, гарнір і салату.

На фота справа — сэт з Lidbeer Bar за 33 рублі, узялі на два чалавекі.

10,80 рубля

Дзяніс працуе практычна ў цэнтры Мінска, у яго на працы прынята хадзіць на абед разам з калегамі альбо замаўляць ежу ў офіс.

«Часта мы абедаем у Blackberry, за першае, другое і трэцяе аддаю 10-13 рублёў».

Гэта абед за 10,8 рубля: зялёны суп са шчаўя, салата з марской капустай, пюрэ, курынае сцягно ў паніроўцы, хлеб.

Каля 13 рублёў

Звычайна Юлія абедае ў мінскай установе Paul: «У сярэднім гарачае каштуе каля 10 рублёў плюс 5 рублёў кава, калі не браць дэсерту. З дэсертам цана будзе большая за 15 рублёў. Сёння мы з мужам упершыню зайшлі ў «Тэмпа», заплацілі 27 за абаіх. Мне спадабалася, ежа як хатняя, порцыі вялікія».

На талерках шчаўе (3,7 рубля, узялі дзве порцыі), свініна (10,1 рубля), дранікі (7 рублёў), кефір (1,2 рубля, узялі два). За ўсё крыху менш за 27 рублёў.

15 рублёў

Тарас працуе ў раёне Камароўскага рынку. Часам бярэ ссабойкі, часам ходзіць у розныя ўстановы. Пастаяннага месца няма: любіць адкрываць для сябе нешта новае.

«Стараюся ўкласціся ў 15 рублёў. На гэтыя грошы можна добра паесці ў азіяцкай забягалаўцы на рынку: хопіць на плоў і суп, гэта будуць вялікія сытныя порцыі. Часам бяру вялікую шаўрму, гэта 12-13 рублёў. Тут на фота плоў з ялавічынай, ён якраз па 15 рублёў».

Больш за 20 рублёў

Калі Анатоль збіраецца на абед з калегамі, то звычайна ўсе дружным натоўпам ідуць у бар «Малады». Тут на фота хот-догі з пепероні (каля 15 рублёў за кожны), яшчэ 7 рублёў каштаваў ліманад.

«Для мяне гэта недарагі пажыўны абед. Паеў — і не галодны ўвесь дзень».

Каментары11

  • SHOS
    22.09.2023
    В Польше все печально в этом плане. Дорого и совсем невкусно
  • Žvir
    22.09.2023
    Što za fota ? Dzieruny nichto nia jesc` z chliebm, i kamy taksama. Sup ? Alie ž pad sup jaho zašmat. Uvohulie dziūna, kamy i dzieruny ū adnym vybary... Zato piva niama zusim.                                                                                                
  • А што случылась?
    22.09.2023
    А што, ніхто з куратараў не захацеў паказаць міліцэйскую сталоўку? Ці, хаця б, сталоўку Нацбанка? Там за 2 рублі ікру жруць.

Цяпер чытаюць

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння2

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння

Усе навіны →
Усе навіны

У Амурскай вобласці Расіі дзяўчына выпадкова выкінула $75 тысяч. Увішныя суседзі знайшлі на сметніку: частку прапілі, на рэшту купілі дом1

На вуліцы Матусевіча ў Мінску побач з дзіцячым садком упаў беспілотнік38

Камандарм Літвы: Можа быць і так, што ніякі аб'ект у Літву з Беларусі і не залятаў4

У ахоўніка Пуціна заўважылі ў руках невядомую прыладу. Эксперты вызначылі яго як дрон-перахопнік4

Расія ўдарыла па калоніі ў Запарожскай вобласці. Загінулі 16 чалавек

«Фантастычная чацвёрка: Першыя крокі» — новы блакбастар з супергероямі і Педра Паскалем. Там згадваецца і Мінск3

Як змяніліся беларусы пасля 2020 года? Цікавае назіранне былога палітвязня8

Украінскія беспілотнікі атакавалі буйны чыгуначны вузел у Растоўскай вобласці2

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе8

больш чытаных навін
больш лайканых навін

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння2

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння

Галоўнае
Усе навіны →

Заўвага:

 

 

 

 

Закрыць Паведаміць