Кіраўнік малдоўскага «Спутніка», якога выгналі з краіны, аказаўся афіцэрам ГРУ
Кіраўніка прапагандысцкага выдання «Спутнік Малдова» Віталя Дзянісава 13 верасня выдварылі з краіны праз падазрэнні ва ўмяшальніцтве ў яе ўнутраныя справы. Журналісты высветлілі, што ён кадравы расійскі афіцэр.
Як сцвярджае The Insider, Дзянісаў — супрацоўнік 72-га цэнтра спецыяльнай службы (вайсковая часць ГРУ №54777). Цэнтр у інтарэсах ГРУ займаецца інфармацыйнымі ўкідамі і дэзынфармацыяй замежнай аўдыторыі.
Адметна, што Дзянісаў нарадзіўся ў Закарпацкай вобласці Украіны і вучыўся ў Львоўскім вайскова-палітычным вучылішчы. У 1992 годзе ён адмовіўся прымаць прысягу ва Украіне і разам з іншымі адмоўнікамі з вучылішча перабраўся ў Маскву. Там яго пасялілі ў афіцэрскім інтэрнаце недалёка ад штаб-кватэры Галоўнага разведвальнага ўпраўлення.
Па звестках The Insider, некаторы час Дзянісаў працаваў у газеце Мінабароны РФ «Красная звезда», дзе ў асноўным асвятляў дзейнасць ПДВ. У 2013 годзе Дзянісаў працаваў у Галоўным следчым упраўленні Маскоўскай вобласці. Журналісты не здолелі высветліць, чым ён там займаўся.
Са Следчага камітэта Дзянісаў перайшоў у 72-і цэнтр спецыяльнай службы. У 2016 годзе яму прысвоілі званне палкоўніка ПДВ, а ў 2019-м прызначылі галоўным рэдактарам «Спутніка» ў Паўднёвай Асеціі. Пасля гэтага ён узначаліў радыёстанцыю ў Баку, а ў 2022 годзе пераехаў у Кішынёў.
-
У Перу Кангрэс прагаласаваў за імпічмент прэзідэнту за «пастаянную маральную недзеяздольнасць» як кіраўніка краіны
-
Намібія стала сусветным лідарам па колькасці жанчын на топ-пазіцыях — прэзідэнтка, віцэ-прэзідэнтка і спікерка. Але ёсць нюансы
-
Адзіны асуджаны, які вырашыў абскардзіць прысуд па справе Пеліко, атрымаў больш працяглы тэрмін
Каментары
Трэ адзначыць, што прысягу Украіне не прыносіў і нейкае скажонае разуменне прыстойнасці ён мае.
Гэта ў іх шэрагах не такая частая з’ява.