Прыгоды Амурыка і Барошкі. Беларуска здымае тыктокі пра сваіх сабак — паглядзіце і падыміце сабе настрой ВІДЭА
Аўтарка тыкток-акаўнта Amur_i_Baron жыве ў Хоцімску і працуе ў дзіцячай школе мастацтваў. Штодня яна здымае відэа пра сваю вялікую гаспадарку — у жанчыны жывуць качкі, куры, кот Кузя, але галоўныя зоркі канала — вясёлыя аўчаркі Амур і Барон.
Некаторыя відэа з сабакамі маюць мільённы праглядаў. Усяго на канале ўжо больш за 70 тысяч падпісчыкаў. У каментарах людзі пішуць, што відэа ніколі не надакучваюць, смяюцца з Амура і Барона, а таксама хваляць працавітасць аўтаркі канала.
Вось ролік, на якім сабакі не могуць падзяліць венік. Гаспадыні даводзіцца таргавацца з імі. Яны аддаюць цацку толькі ў абмен на смачную курачку. Відэа сабрала 1,7 мільёна праглядаў.
А тут Амурык і Барошка ўзялі па яблыку, але не вельмі хочуць іх есці.
Спаборніцтвы за прадметы — любімая забава сабак.
Але часам энергічным сабакам патрэбны рэлакс, тады яны гушкаюцца на садовых арэлях з гаспадыняй.
Ці ядуць агуркі на канапе.
У Амура і Барона ёсць фанаты, якія шлюць сабакам цацкі.
У «Нашай Нівы» таксама ёсць тыкток, дзе штодня з'яўляюцца ролікі. Яны часам не такія смешныя, як пра Барона і Амура, але таксама нічога. Падпісвайцеся.
Цяпер чытаюць
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары
яшчэ больш барахла...