У Лельчыцах 60-гадовы вясковец напаў на ўчастковага і парэзаў яго
Участковы інспектар Лельчыцкага РАУС прыбыў да 60-гадовага жыхара вёскі Стадолічы для правядзення прафілактычнай гутаркі аб спыненні асацыяльнага ладу жыцця, паведамляе прэс-служба МУС.
Мужчына выйшаў з хаты насустрач участковаму, трымаючы адну руку за спінай. Міліцыянт папрасіў паказаць руку і дакрануўся да яе.
Тады вясковец паспрабаваў ударыць міліцыянера ў жывот нажом, затым пачаў ім размахваць, парэзаў участковаму далонь і грудную клетку.
У выніку ён быў затрыманы.
Следчымі заведзена крымінальная справа за гвалт у дачыненні да супрацоўніка міліцыі.
Каментары