Прадпрымальнік з Беларусі Ігар Маханёк стварыў інвестфонд для стартапаў мігрантаў у ЗША
Грошы пойдуць на фінансаванне стартапаў, якія пераязджаюць у ЗША. У справе і заснавальнікі PandaDoc, піша dev.by.
Венчурная кампанія Geek Ventures ІТ-прадпрымальніка родам з Беларусі Ігара Маханька абвясціла пра запуск інвестфонду з капіталам 23 млн даляраў. Фонд будзе інвеставаць у стартапы мігрантаў, якія пераязджаюць у ЗША, паведамляе TechCruch.
— Я хачу стварыць магчымасці для дзіўных талентаў, якія нараджаюцца ва ўсім свеце, — кажа пра задачы праекта Ігар Маханёк.
Ён робіць акцэнт на тым, што прыезджым прадпрымальнікам вельмі складана ўбудавацца ў сістэму венчурнага капіталу ў ЗША.
ІТ-прадпрымальнік пачаў збор сродкаў яшчэ ў кастрычніку 2021 года, азначыўшы мэту ў $15 млн. Але цікавасць выявілася вышэй за чаканае, так што да чэрвеня гэтага года сабралі $23 млн.
Geek Ventures падтрымлівае група інвестараў, у тым ліку заснавальнікі PandaDoc Мікіта Мікада і Сяргей Барысюк, заснавальнік і гендырэктар Applovin Адам Фаругі, Decile Capital Premier Fund I.
Кампанія ўжо ўклала грошы ў 35 стартапаў. У планах — інвеставаць у адну ці дзве кампаніі на месяц. Усяго ж фонд збіраецца зрабіць 60 інвестыцый памерам ад 50 тысяч да 1 млн даляраў.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары