Грамадства77

Прапаганда выпусціла фільм пра аналітыка Андрэя Паротнікава і паказала, як запісвалі размовы з яго тэлефона

На АНТ выпусцілі фільм, дзе расказалі, у чым вінавацяць аналітыка Андрэя Паротнікава і як яго затрымлівалі (а пасля рабілі выгляд, што адпусцілі).

 

Андрэй Паротнікаў. Скрын відэа АНТ

На Паротнікава завялі крымінальную справу па ч. 1 арт. 356 «здрада дзяржаве». 

У чым яго вінавацяць? У тым, што рыхтаваў аналітычныя запіскі на тэмы беларускай палітыкі і эканомікі і публікаваў іх, у тым ліку ў сваім Belarus Security Blog, а таксама рассылаў іх іншым, у тым ліку людзям, якіх АНТ называе супрацоўнікамі польскай разведкі. 

«Даныя збіраў праз знаёмых сілавікоў, чыноўнікаў, на сустрэчах і брыфінгах. А пасля адпраўляў за мяжу — за грошы», — кажа закадравы голас.

У эфіры паказваюць кадры схаванай здымкі яшчэ з 2016 года дыпламатычнага супрацоўніка Польшчы Якуба Мушынскага, які сустракаўся з Паротнікавым. АНТ называе Мушынскага супрацоўнікам Агенцтва разведкі Польшчы. Публікуюцца таксама фрагменты праслушкі іх размоў.

Схаваная здымка Паротнікава і польскага дыпламата, паказаныя ў эфіры АНТ

Паказваюць таксама перапіску Паротнікава па электроннай пошце (доступ да яе атрымалі, выглядае, пасля затрымання) з польскім палітолагам Гжэгажам Арлоўскім. Той пасля пачатку вайны ў 2022-м пытаўся ў аналітыка, што робяць у Беларусі расійскія вайскоўцы, колькі іх, якія настроі ў сілавых шэрагах, якую тэхніку вывозяць з Беларусі ў Расію. Распытваў Арлоўскі таксама пра каліноўцаў і тое, ці не чуў Паротнікаў нешта пра полк, які нібыта збіраецца ствараць Карач.

У фільме паказаны момант затрымання. Дома ў Паротнікава правялі ператрус, знайшлі «грошы, экстрэмісцкую сімволіку і мноства доказаў супрацоўніцтва з замежнымі спецслужбамі». На гэтых словах у кадры дэманструюцца бел-чырвона-белы сцяг, брашуры «Беларускай хрысціянскай дэмакратыі» і «Правага альянсу» і кніга навукоўца Мілгрэма Стэнлі «Як добры чалавек становіцца нягоднікам».

Як вынікае з фільма, у Мінску Паротнікава затрымалі, а пасля выкарыстоўвалі, каб даведацца пра шляхі эвакуацыі беларусаў. Яго прымусілі званіць прэс-сакратарцы Ціханоўскай Ганне Красулінай, пісаць Андрэю Стрыжаку і іншым — гэтыя размовы і перапіскі запісваліся.

Пасля дазволілі яму зрабіць выгляд, нібы ён збіраецца выязджаць за мяжу. Маршрут мусіў быць Мінск — Лёзна — Рудня — Смаленск. А пасля Масква. 

Мяркуючы з кадраў фільмах, некаторыя з перапісак падчас «агентурнай гульні» вяліся 30 сакавіка і 1 красавіка 2023 года. «Наша Ніва» ж напісала пра затрыманне Паротнікава 21 сакавіка, за 9 дзён да таго. 

Андрэй Паротнікаў у машыне з сілавікамі падчас аперацыі КДБ. Скрын відэа АНТ

Што адметна, у анонсе фільма яго прэзентавалі як «заснаваны на рэальных падзеях». І некаторыя кадры ў ім пастановачныя. Напрыклад, тая самая сцэна затрымання Паротнікава — няясна, ці гэта рэальная здымка, ці пастаноўка, бо зашмат ракурсаў, заплечнік, які падае пры затрыманні, то ў кадры, то знікае.

Большасць сцвярджэнняў, што прагучалі ў фільме, ніяк немагчыма незалежна праверыць.

Мяркуючы з фільма, тыя, хто мог дапамагчы Паротнікаву з эвакуацыяй, не асабліва яму давяралі. Застаецца незразумелым, ці ў выніку «агентурнай гульні» з Паротнікавым КДБ некага яшчэ затрымаў. 

«Нам было вядома пра ягоны арышт ад самага пачатку, — напісаў у сваім фэйсбуку Андрэй Стрыжак. — Усе перамовы са мной асабіста Андрэй вёў, калі ўжо быў затрыманы. Ад самага пачатку было вядома, што чалавека «вядуць». Вядома дзякуючы таму, што ўнутры спецслужб дагэтуль ёсць неабыякавыя да справы пераменаў людзі», — піша Стрыжак.

«Мы разумелі, што эвакуацыя Андрэя хутчэй за ўсё скончыцца нічым. У нас было некалькі задач — паспрабаваць выцягнуць нашага калегу і сябра; адсачыць і даведацца, як працуюць і што робяць спецслужбы ў такіх аперацыях; у выпадку немагчымасці эвакуацыі забяспечыць магчымасць Андрэю паспаць «на белых прасцінах» замест гэбэшнай шконкі як мага даўжэй», — сцвярджае Стрыжак.

«Спецслужбы не ўскрылі і не перацялі аніводнага з нашых каналаў, якія мы выкарыстоўваем для эвакуацыі», — падсумоўвае Стрыжак.

Лукашысты ўсё часцей інтэрпрэтуюць як «здраду дзяржаве» грамадскую, культурную ці даследчыцкую дзейнасць. Самы паказальны тут прыклад — справа Паўла Белавуса

Цяпер Паротнікаў у СІЗА, яму пагражае да 15 гадоў зняволення.

 

Каментары7

  • даведка
    29.08.2023
    КГБ выражает признательность Юрию Воскресенскому за содействие в предоставлении для съёмки офиса КСДС.
  • Утка
    29.08.2023
    Так там все вовлеченные должны по этой статье проходить, они ж на расею работают, и гораздо более открыто, чем якобы главный герой.
  • даведка
    29.08.2023
    Андрей Поротников второй  ̶И̶у̶д̶а̶  Роман Протасевич.

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг3

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць