Кіраўнік Кобрына правёў сустрэчу «з прадстаўнікамі СМІ і блогерамі». На ёй, акрамя яго, было два чалавекі, і тыя невыпадковыя
Старшыня Кобрынскага райвыканкама Аляксандр Пачко правёў сустрэчу, каб абмеркаваць «асноўныя напрамкі развіцця і праблемы благасферы».
Артыкул пад пафасным загалоўкам «На пульсе жыцця роднага краю» на сайце мясцовай раёнкі пачынаецца з прапагандысцкіх заяў пра інфармацыйную вайну, якая нарадзіла патрыятычна наладжаных блогераў і журналістаў, што адбіваюць атакі фэйкаў і хлусні.
Мяркуючы з апублікаваных фота і відэа, з Пачко сустрэліся галоўны рэдактар «Кобрынскага весніка» Раман Мельнік і ціктокер Павел Дзмітрыеў.
Мельнік таксама кіруе раённым аб'яднаннем «Белай Русі», піша калонкі ў стылі Мукавозчыка, якія на сайце збіраюць менш за 50 праглядаў.
Дзмітрыеў здымае ціктокі пад псеўданімам ПалВаныч, у яго 12 тысяч падпісчыкаў. Ён кіруе пярвічкай БРСМ на Кобрынскім хлебазаводзе і здымае ролікі пра мерапрыемствы арганізацыі. Часам з'яўляецца ў кадры ў лукашэнкаўскім мерчы.
На сустрэчы з кіраўніком раёна Дзмітрыеў падзяліўся ідэяй стварэння ў горадзе скейт-парка.
У артыкуле «Кобрынскага весніка» гаворыцца, што блогеры і журналісты з праўладнай пазіцыяй даносяць праўду да шматтысячнай аўдыторыі. Артыкул пра сустрэчу Пачко прачытала менш за 100 чалавек.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары