Беларускі дзяржаўны тэхналагічны ўніверсітэт абвясціў дадатковы набор на сем спецыяльнасцяў, дзе засталося 107 бюджэтных месцаў. Пра гэта паведаміла Мінадукацыі. Таксама пра недабор заявіў і Беларускі дзяржаўны педагагічны ўніверсітэт.
У БДТУ на дадзены момант ёсць недабор па профілях «хімія/матэматыка» і «фізіка/матэматыка». Вакантныя бюджэтныя месцы:
- «Тэхналогія шкла, керамікі і вяжучых матэрыялаў» — 26;
- «Электрахімічныя вытворчасці» — 13;
- «Вытворчасць матэрыялаў і прылад электронікі» — 17;
- «Прамысловыя і камунальныя сістэмы водападрыхтоўкі і водаачысткі» — 15;
- «Прынттэхналогіі» — 14;
- «Тэхналогія дрэваапрацоўчых вытворчасцяў» — 16;
- «Мехатронныя сістэмы і абсталяванне дрэваперапрацоўчых вытворчасцяў» — 3.
Неабходныя сертыфікаты ЦТ і (або) ЦЭ тут: фізіка/хімія — ад 20 балаў і вышэй; матэматыка — ад 10 балаў і вышэй; беларуская (руская) мова — 10 балаў і вышэй.
У БДПУ засталіся такія вакантныя бюджэтныя месцы:
- «Фізіка-матэматычная адукацыя (матэматыка і інфарматыка)» — 12;
- «Фізіка-матэматычная адукацыя (матэматыка і фізіка)» — 9;
- «Фізіка-матэматычная адукацыя (фізіка і інфарматыка)» — 2.
Неабходныя сертыфікаты ЦТ і (або) ЦЭ тут: беларуская (руская) мова — 10 балаў і вышэй; фізіка — ад 10 балаў і вышэй; матэматыка — ад 20 балаў і вышэй.
Дакументы ад абітурыентаў у абедзвюх ВНУ прымаюць да 6 жніўня 2023 года.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары
а мне тут подсылали одного экономиста-рецидивиста, который готов был лизать (извините)) любые мои места за мои же тэнге )