Аварыя здарылася праз разгерметызацыю левага пярэдняга кола, даць рады кіраванню кіроўцу грузавіка не ўдалося.
Аварыя адбылася ўвечары 25 ліпеня на 15-м кіламетры аўтадарогі Р-20 Віцебск — Полацк — мяжа з Латвіяй.
51-гадовы кіроўца аўтапоезда Scania не справіўся з кіраваннем праз разгерметызацыю пярэдняга левага кола. У выніку грузавік выехаў на сустрэчную паласу, з'ехаў у левы кювет, перакуліўся, а затым загарэўся.
У паўпрычэпе перавозіўся небяспечны груз другога і трэцяга класа.
У аварыі ніхто не пацярпеў. Месца ДТЗ некаторы час было ачэплена.
Да другога класа небяспечных грузаў адносяцца сціснутыя, звадкаваныя ахаладжэннем і раствораныя пад ціскам газы. Да трэцяга — лёгкаўзгаральныя вадкасці, сумесі вадкасцяў, а таксама вадкасці, якія змяшчаюць цвёрдыя рэчывы ў растворы, якія вылучаюць лёгкаўзгаральную пару, што мае тэмпературу выбуху ў закрытым тыглі 60°С і ніжэйшую, піша «Спутнік».
Цяпер чытаюць
Бабарыка тры хвіліны адказваў на пытанне, чый Крым. Так і не адказаў150
Каментары