Беларускаму кубінцу Раберта Вальдэсу Касануэва не далі статус уцекача ў Літве. Цяпер яму патрэбная наша дапамога
Кубінец Раберта Вальдэс Касануэва, які 30 гадоў пражыў у Беларусі, а ў 2020 годзе актыўна падтрымаў нашы пратэсты, не змог атрымаць статус уцекача ў Літве. Ні ў Беларусь, ні на Кубу па зразумелых прычынах ён вярнуцца не можа, таму хоча змагацца за свае правы, але без дапамогі яму будзе цяжка.
Гісторыя Раберта Вальдэса Касануэва пару гадоў таму была дастаткова гучная, пра яе шмат пісалі медыя.
Раберта затрымалі 8 лістапада 2020 года падчас аднаго з пратэсных маршаў, а потым больш за год трымалі на Акрэсціна ў чаканні дэпартацыі ў жахлівых умовах.
На гістарычнай радзіме, на Кубе, Касануэва таксама можа пагражаць небяспека, бо ён неаднаразова крытычна публічна выказваўся пра тое, што там адбываецца. Таму да апошняга ён хоча змагацца за сваё права застацца ў Еўропе.
«Велізарная перавага дэмакратыі, а Літва, безумоўна, дэмакратыя, у тым, што ты можаш аспрэчыць рашэнне дзяржавы ў судзе і даказаць, што ты маеш рацыю. Я ўпэўнены ў тым, што гэта якраз той выпадак. Раберта просіць усіх неабыякавых дапамагчы яму сабраць сродкі на іміграцыйнага адваката, каб падаць апеляцыю і атрымаць магчымасць застацца ў Літве», — напісаў у фэйсбуку кіраўнік фонду «Байсол» Андрэй Стрыжак.
Падтрымаць Раберта на BYSOL можна тут. Палова ад неабходных 1900 еўра, дарэчы, ужо сабраная.
Чытайце таксама:
Дэпартаваны з Беларусі кубінец дабраўся да Літвы
Кубінцу, які ўдзельнічаў у пратэстах, пагражае дэпартацыя з Беларусі і турма на радзіме
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары