Некаторыя заходнія аналітыкі мяркуюць, што Украіна магла запусціць дроны на Крэмль. Неабавязкова са сваёй тэрыторыі — СМІ
У Financial Times выйшаў артыкул з аналізам палёту двух дронаў да Крамля, у якім апытваюць цэлы шэраг заходніх аналітыкаў пра тое, хто мог запусціць дроны да Крамля 3 мая. Даволі многія з іх сумняваюцца ў тым, што гэта расійская інсцэніроўка, і дапускаюць, што Украіна была здольная гэта зрабіць, прычым неабавязкова са сваёй тэрыторыі.
Версія аб інсцэніроўцы зыходзіць з таго, што Расіі была патрэбная падстава для эскалацыі. Але эксперты паказваюць, што з пункту гледжання Крамля ў такой аперацыі былі і істотныя мінусы: яна б паказала няздольнасць расійскіх спецслужбаў абараніць краіну, насуперак усяму, што Пуцін кажа цягам 23 гадоў, звяртае ўвагу Бі-бі-сі.
«У мяне ёсць сумневы з нагоды аперацыі пад чужым сцягам, паколькі палітычная шкода для Пуціна велізарная», — сказаў «заходні» дыпламат на ўмовах ананімнасці. Яшчэ адзін заходні чыноўнік параўнаў тое, што здарылася, з выбухамі на «Паўночных патоках», якія выклікалі віхор тэорый аб тым, хто вінаваты і каму выгадна. «Уся гэтая вайна поўная чужых ворагаў. Кожны дзень уздоўж усёй лініі фронту і на расійскай тэрыторыі адбываюцца падзеі, у якіх мы не ведаем, хто што зрабіў і навошта», — заўважыў яшчэ адзін суразмоўца.
Украіна, якая адмаўляе атаку, як мінімум тэарэтычна мела сродкі для яе. «Украіна паказала, што яна можа ўзяць з паліцы камерцыйны прадукт, маштабаваць яго і затым творча выкарыстоўваць яго са смяротнымі мэтамі. І папярэднія атакі Украіны з дапамогай беспілотных апаратаў паказалі, як цяжка абараняцца ад такіх удараў», — заўважае ананімны заходні вайсковец.
Не выключана, што апарат запусцілі не з украінскай тэрыторыі, а з больш блізкай адлегласці, гэта значыць, з тэрыторыі Расіі. У чацвер дырэктар амерыканскай вайсковай разведкі генерал Скот Бэрыер сказаў, што, паводле першых прыкмет, аператар дронаў меў назіральны кантакт з імі.
Майкл Кофман, дырэктар па расійскіх даследаваннях у цэнтры ваенна-марскога аналізу ў Арлінгтоне (штат Вірджынія) мяркуе, што Украіна да аперацыі, хутчэй за ўсё, як мінімум ускосна датычная, і мэта была ў тым, каб прадэманстраваць уразлівасць Расіі. Нявер'е ў гэта афіцыйнага Вашынгтона яго не бянтэжыць.
«Ва Украіны ёсць цэлы спектр партнёраў, якія падтрымліваюць яе ў вайне… Адны будуць вітаць атакі такога тыпу, іншыя палічаць іх неразумнымі. З мінулага досведу, амерыканская адміністрацыя не заўсёды пазітыўна глядзіць на ўдары па расійскай тэрыторыі», — кажа Кофман.
Цяпер чытаюць
Расіянін месяц лётаў па Беларусі на машыне так, што атрымаў больш за 20 штрафаў на круглую суму3
Расіянін месяц лётаў па Беларусі на машыне так, што атрымаў больш за 20 штрафаў на круглую суму
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы6262
Каментары