Турцыя падарыла Мексіцы шчанюка нямецкай аўчаркі. За што такая шчодрасць?
Турцыя падарыла мексіканскай камандзе ратавальнікаў трохмесячнага шчанюка нямецкай аўчаркі. Гэты падарунак — знак удзячнасці за дапамогу мексіканскіх ратавальнікаў падчас маштабнага землятрусу, які адбыўся ў Турцыі і Сірыі на пачатку лютага.
Акрамя простай удзячнасці, падарунак зроблены ў памяць пра сабаку-ратавальніка па мянушцы Пратэа, які загінуў падчас пошукава-выратавальных работ у правінцыі Кахраманмараш.
Нямецкая аўчарка Пратэа выратавала трох чалавек і загінула пад заваламі ў Адыямане. Пасля гэтага сабака быў пахаваны на сваёй радзіме як герой. А муніцыпалітэт Стамбула заявіў пра намер усталяваць помнік Пратэа ў адным з паркаў горада.
Падоранаму шчанюку яшчэ не далі мянушку, яе будуць падбіраць усенародна. Мінабароны Мексікі папрасіла грамадзян прагаласаваць за адно з трох імёнаў: Proteo II, Arkadaş (па-турэцку «сябар») або Yardım («дапамога»).
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1111
Каментары