Эрдаган узнагародзіў ратавальнікаў з Беларусі за дапамогу пасля землятрусу
Беларускія ратавальнікі дасталі з-пад завалаў шэсць жывых чалавек.
У Турцыі адбылася цырымонія ўшанавання міжнародных пошукава-выратавальных атрадаў, якія прымалі ўдзел у ліквідацыі наступстваў землятрусу. Бедства здарылася ў лютым, у выніку яго загінулі больш за 45 тысяч чалавек.
«У ліку ўзнагароджаных — Рэспубліканскі атрад спецыяльнага прызначэння «ЗУБР», які прадстаўляў яго начальнік Ігар Зарэмба. З рук прэзідэнта ён атрымаў дзяржаўную ўзнагароду», — гаворыцца ў паведамленні.
У Турцыю былі накіраваныя тады 64 супрацоўнікі з кіналагічнай службай, спецтэхнікай і аварыйна-выратавальнымі інструментамі.
Спецыялісты МНС працавалі ў пацярпелым ад серыі землятрусаў горадзе Кахраманмараш.
За час пошукава-выратавальных работ беларусы з-пад завалаў дасталі шэсць жывых чалавек.
Таксама Беларусь аказала гуманітарную дапамогу рэгіёнам Турцыі.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў99
Каментары