Паводле паведамлення жыхара Пінскага раёна, едучы паміж вёскамі Новы Двор і Сташаны, ён пабачыў на праезнай частцы дарогі незвычайны камень. Але, калі хлопец разгледзеў «камень» больш уважліва, то аказалася, што гэта балотная чарапаха, піша «Медыя-Палессе».
Еўрапейская балотная чарапаха — гэта адзіны від чарапах, які жыве ў паўднёвай частцы Беларусі. Жывёла вельмі рэдкая і занесеная ў Чырвоную кнігу.
Пінскі раён уваходзіць у арэал пасялення гэтай рэптыліі, але сустрэць яе ў натуральным асяроддзі даводзіцца далёка не кожнаму.
На працягу года чарапахі жывуць толькі ў вадзе і толькі зрэдку выбіраюцца на бераг, каб пагрэцца на сонцы. Таксама самкі выпаўзаюць да сухіх пясчаных мясцін, дзе адкладваюць яйкі. Мабыць, падчас аднаго з такіх рэйдаў хлопец з ёй і сустрэўся.
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары