Мінімум 166 асуджаных перад Днём Волі — і гэта толькі ў рэгіёнах
Цягам апошніх тыдняў сілавікі амаль штодзённа ладзілі масавыя затрыманні і ператрусы ў розных рэгіёнах краіны. Пасля гэтага на некаторых затрыманых складалі адміністрацыйныя пратаколы паводле арт. 19.11 КаАП (распаўсюд экстрэмісцкіх матэрыялаў) і 24.23 КаАП (несанкцыянаванае пікетаванне), піша «Вясна».
З 15 сакавіка было асуджана не менш за 166 беларусаў паводле палітычных артыкулаў — гэта без уліку Мінска. Так, рэйды сілавікоў адбываліся ў Пінску, Мёрах, Оршы, Сянне, Глыбокім, Мазыры, Брэсце, Івацэвічах, Лепелі, Полацку, Наваполацку, Гомелі і іншых гарадах.
«Гомельскай вясне» сталі вядомымі пастановы па часцы 2 артыкула 19.11 КаАП Беларусі ў Мазыры. Суды адбыліся 21 і 24 сакавіка 2023 года.
Атрымалі пакаранне ў выглядзе адміністрацыйнага арышту затрыманыя:
Чаранкоў Фёдар — 15 сутак,
Дзеравенька Аляксандр — 7 сутак,
Назаранка Павел — 5 сутак,
Кажан Аляксандра — 5 сутак,
Іваноў Дзмітрый — 5 сутак,
Пышнік Мікалай — 5 сутак,
Грамовіч Уладзіслаў — невядома.
Прапагандысты запэўніваюць, што 196 палітвязняў ужо на свабодзе9
Каментары