Украіна задоўга да рашэння Міжнароднага крымінальнага суда выдаць ордар на арышт расійскага прэзідэнта Уладзіміра Пуціна зразумела, што размаўляць з ім не мае сэнсу, сказаў міністр замежных спраў Украіны Дзмітрый Кулеба.
«Мы ведалі задоўга да ордара на арышт МКС, што размаўляць з Пуціным бессэнсоўна. 30 верасня мінулага года Рада нацыянальнай бяспекі і абароны Украіны прыняла рэзалюцыю, у якой заявіла аб немагчымасці любых перамоваў з Уладзімірам Пуціным у адказ на спробу Расі анексаваць украінскія тэрыторыі», — сказаў Кулеба выданню Politico.
Пры гэтым ён падкрэсліў, што Кіеў не адхіляе саму ідэю мірных перамоваў.
Украіна прадпрымала шматлікія спробы дасягнуць мірнага ўрэгулявання з моманту абрання Уладзіміра Зяленскага прэзідэнтам у 2019 годзе, і да пачатку расійскага ўварвання правяла 88 раўндаў перамоваў пры пасрэдніцтве Францыі і Нямеччыны, сказаў Кулеба.
Украіна таксама спрабавала знайсці агульныя падыходы і пасля 24 лютага 2022 года, але беспаспяхова, дадаў ён.
«Замест гэтага Расія ўзмацніла свае жорсткія атакі і абвясціла аб планах анексіі новых украінскіх тэрыторый. Прэзідэнт Зяленскі ясна даў зразумець, што калі Пуцін працягне гэтую спробу анексіі, то размаўляць з ім будзе немагчыма», — сказаў міністр.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары