Рада бяспекі даручыла Мінабароны пачаць распрацоўку новай вайсковай дактрыны
На Нацыянальным прававым партале з'явілася пастанова «Аб разглядзе праекта новай Канцэпцыі нацыянальнай бяспекі Рэспублікі Беларусь». Падставамі для змен у вайсковай палітыцы названы «змены вайскова-стратэгічнай абстаноўкі» і «эскалацыя глабальнай геапалітычнай напружанасці».
У рамках дакумента, падпісанага Лукашэнкам, ухваляецца праект новай Канцэпцыі нацыянальнай бяспекі Рэспублікі Беларусь, «якая адлюстроўвае трансфармацыю ўсяго спектра сучасных пагроз і вызначае адзіныя падыходы да фарміравання і рэалізацыі дзяржаўнай палітыкі ў вайсковай сферы».
Дзяржаўныя органы павінны засяродзіцца на рэалізацыі мерапрыемстваў у рамках стратэгічнага стрымлівання, накіраваных на абарону незалежнасці, тэрытарыяльнай цэласнасці, суверэнітэту і канстытуцыйнага ладу ад знешніх і ўнутраных пагроз.
Мінабароны даручана заняцца стварэннем новай вайсковай дактрыны. Папярэдняя дзейнічае з ліпеня 2016 года.
Канчаткова новую Канцэпцыю нацыянальнай бяспекі павінен будзе разглядзець Усенародны сход.
Каментары