Здарэнне адбылося на гэтым тыдні на адным са слуцкіх маршрутаў. Кандуктарка злавіла адразу двух пасажыраў з падробленымі праязнымі.

Як гэта адбылося, случчанка распавяла карэспандэнту «Кур'ера».
Кандуктарка Валянціна Дземідовіч у прафесіі ўжо 20 гадоў, таму лёгка распазнае падробку. Днямі праязны білет аднаго з пасажыраў здаўся ёй падазроным. Яна папрасіла паказаць дакумент бліжэй, і ён аказаўся падробленым. Мужчына, на выгляд гадоў 45-і, вырваў праязны з рук кандуктара, запіхнуў у рот і з'еў.

На наступны дзень Валянціне зноў трапіўся падроблены праязны: яго паказала жанчына, прыкладна такога ж узросту, як і мужчына. Прычым другі нумар падробкі аказаўся ідэнтычным першай, таму кандуктар выказала здагадку, што праязны маглі зрабіць на каляровым ксераксе.
Гэтым разам спадарыня Валянціна змагла адабраць праязны ў жанчыны і паведаміла пра гэта начальству. Яна дадала, што даўно не сустракала падробак, напэўна, гадоў дзесяць, і тады іх рабілі зусім маладыя людзі.
Зараз кандуктар больш старанна правярае дакументы, асабліва калі пасажыр паказвае яго ў каляровым футарале.
-
Чаму хамелеоны круцяць вачыма ва ўсе бакі? Навукоўцы растлумачылі таямніцу «фатаграфічнага» позірку
-
«Нафіг візы. Я больш не буду ездзіць у краіны, якія не зацікаўленыя ў турыстах настолькі, што закрываюць межы»
-
«Ніводная краіна ў XXI стагоддзі не зможа дасягнуць сярэдняй працягласці жыцця ў 100 гадоў»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне
Каментары