Спорт1010

Польскі міністр спорту прапанаваў стварыць для беларусаў і расіян зборную бежанцаў

Польскі міністр спорту Каміль Бартнічук прапанаваў Міжнароднаму алімпійскаму камітэту разгледзець альтэрнатыўнае рашэнне, пры якім частка беларускіх і расійскіх спартсменаў магла б узяць удзел у Алімпійскіх гульнях у Парыжы ў наступным годзе. Ён лічыць, што варта стварыць зборную бежанцаў, у якую ўвойдуць толькі спартсмены, выразна апазіцыйныя Лукашэнку і Пуціну.

«Большасць выступае за тое, каб спартсмены з Расіі і Беларусі не ўдзельнічалі ў Алімпійскіх гульнях у Парыжы ў наступным годзе», — заявіў міністр спорту Польшчы Каміль Бартнічук пасля сённяшняй анлайн-сустрэчы спартыўных прадстаўнікоў больш чым 30 краін.

Большасць выступленняў — за выключэннем Грэцыі, Францыі, Японіі — прагучала менавіта ў такім тоне, сказаў Бартнічук. Але пры гэтым ён адзначыў, што пакуль не прынята рашэнне аб магчымым байкоце мерапрыемства ў выпадку допуску да гульняў беларускіх і расійскіх спартсменаў.

«На гэтым этапе так ставіць пытанне бессэнсоўна. Мы павінны даць Міжнароднаму алімпійскаму камітэту час паразважаць. Пры гэтым я дакладна засведчыў, што гэта сцэнарый, які мы не павінны выключаць», — падкрэсліў польскі міністр.

У той жа час Бартнічук прэзентаваў ідэю альтэрнатыўнага рашэння — стварэнне прадстаўніцтва для бежанцаў, у якую ўвайшлі б праціўнікі рэжымаў Уладзіміра Пуціна і Аляксандра Лукашэнкі.

«Гэта было прынята як цікавая канцэпцыя, якая можа быць асновай для перамоў з МАК», — адзначыў Бартнічук.

У канцы студзеня Міжнародны алімпійскі камітэт (МАК) абвясціў, што расіянам і беларусам дазволяць спаборнічаць у французскай сталіцы, праўда, без магчымасці дэманстрацыі нацыянальных колераў і выканання гімнаў. Яны будуць змагацца за алімпійскія ліцэнзіі на спаборніцтвах у Азіі. 

Такое рашэнне падтрымалі не ўсе. Нацыянальныя алімпійскія камітэты Украіны, Польшчы, краін Балтыі і Паўночнай Еўропы ўжо выказаліся супраць такой схемы. Яны лічаць, што «да заканчэння варварскай вайны ва Украіне ніякія расійскія і беларускія спартсмены не павінны браць удзел ні ў якіх міжнародных спаборніцтвах, у тым ліку ў Алімпійскіх гульнях.

Каментары10

  • Виктор
    10.02.2023
    Изгоев а не беженуев.
    И пусть выступают в клетках и соревнуются друг с другом.
    Террористы должны быть изолированы от всего цивилизованного мира.
  • Альф
    10.02.2023
    Лепш бы палякі не забаранялі бел мову ў квяцярнях
  • Кажан
    10.02.2023
    Виктор, сам ізгой і чалавек недалёкі. Хаця ў прынцыпе ў цябе мабыць таксама сзізафпжнія?

Цяпер чытаюць

«Наталля Эйсмант можа ўсё». Арыштаваны за хабары дырэктар Палаца Рэспублікі ўжо на свабодзе і нават з новай пасадай4

«Наталля Эйсмант можа ўсё». Арыштаваны за хабары дырэктар Палаца Рэспублікі ўжо на свабодзе і нават з новай пасадай

Усе навіны →
Усе навіны

Юрый Дудзь завітаў да самага знакамітага беларуса на Мадэйры21

Балгарыя абвінаваціла спецслужбы Расіі ў спробах напоўніць Еўропу мігрантамі

Гарадзенец зрабіў плот з 40 тысяч накрывак ад напояў3

У Ерэване знайшлі мёртвай 23‑гадовую чачэнку, якая ўцякла з Расіі ад сямейнага гвалту. Яе задушылі6

Маштабны збой адбыўся ў Zoom, Snapchat, Signal і іншых

Зяленскі не выключыў «дрэнны сцэнарый» саміту ў Будапешце: як адрэагуе Украіна?7

Лукашэнка прапанаваў расіянам зняць сумесны фільм пра Лі Харві Освальда9

Зяленскі пасля сустрэчы з Трампам заявіў, што Кіеў не выведзе свае войскі з Данбаса6

«У бальніцы ў цяжкім стане». Падрабязнасці пра выпадак у Жодзіне, дзе вучань выпаў з акна школы

больш чытаных навін
больш лайканых навін

«Наталля Эйсмант можа ўсё». Арыштаваны за хабары дырэктар Палаца Рэспублікі ўжо на свабодзе і нават з новай пасадай4

«Наталля Эйсмант можа ўсё». Арыштаваны за хабары дырэктар Палаца Рэспублікі ўжо на свабодзе і нават з новай пасадай

Галоўнае
Усе навіны →

Заўвага:

 

 

 

 

Закрыць Паведаміць