На «Бабулінай крынцы» вяршкі разліваюць у тэтрапакі з-пад шакаладнага кактэйлю. І гэта не памылка!
Чытачы бабруйскага сайта Komkur.info паведамілі ў рэдакцыю пра дзіўны факт: у малочнай краме вяршкі прадаюцца ў тэтрапаку з-пад шакаладнага кактэйлю. Журналіст схадзіў у тую краму і сам пераканаўся, што так і ёсць.
Прыйшоўшы ў краму, журналіст пацікавіўся, ці ёсць у наяўнасці вяршкі ў тэтрапаку, і яму прапанавалі прадукт, на ўпакоўцы якога напісана: «Веселые внучата. Шоколад. Коктейль молочный».
«Ды вы не сумнявайцеся, там сапраўды вяршкі, — усміхнулася прадавачка, — мы на «Крынцы» пыталіся. Рэальны склад прадукту надрукаваны на абароце».
Сапраўды, у купленым пакунку аказаліся чыстыя вяршкі. А калі журналіст патэлефанаваў на нумар тэлефона, пазначаны для водгукаў і прэтэнзій, то дзяўчына з прадпрыемства распавяла, чаму яны апынуліся ў ёмістасці, прызначанай для кактэйлю. Прычына банальная — праблемы з тарай:
«У сувязі з тым, што цяпер часова ўтварылася нястача ўпакоўкі тэтрапак на вяршкі, кіраўніцтвам было прынята рашэнне наліваць ва ўпакоўку, якая ёсць у наяўнасці, і ляпіць этыкетку з сапраўдным складам прадукту. Прычына недахопу — санкцыі, а тэтрапак французскі. Але цяпер у Расіі вядзецца распрацоўка пакавальнага матэрыялу тэтрапак».
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары