Цікавы факт агучылі ў эфіры СТБ. Аказваецца, украінскія памежнікі ў пунктах пропуску вывесілі разам з дзяржаўным украінскім сцягам нацыянальны беларускі бел-чырвона-белы сцяг, звярнуў увагу Reform.by.
«Прыкладна два месяцы таму, разам з дзяржаўным сцягам Украіны, у пункце пропуску быў вывешаны таксама яшчэ і бел-чырвона-белы сцяг. І трэба адзначыць, што і на бліжэйшых пунктах пропуску на ўчастку Брэсцкай памежнай групы ўкраінцы таксама вывесілі сцягі бел-чырвона-белага колеру», — распавёў афіцыйны прадстаўнік Брэсцкай памежнай групы Сяргей Дзмітрыеў.
Прапагандысты СТБ паказалі кадры, дзе сапраўды бачныя два сцягі, але вырашылі замазаць беларускі нацыянальны сімвал.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары