Іран следам за беспілотнікамі пачне пастаўляць Расіі дальнабойныя ракеты
Следам за беспілотнымі лятаючымі апаратамі Іран пагадзіўся пастаўляць Расіі ракеты класа «зямля-зямля». Як паведамілі крыніцы The Washington Post у службах бяспекі ЗША і саюзных краін, так Масква зможа папоўніць страты ў боепрыпасах, выдаткаваных падчас вайны ва Украіне.
Суразмоўцы газеты паведамілі, што дамоўленасць з нагоды паставак ракет была дасягнутая 18 верасня, калі Тэгеран накіраваў сваіх прадстаўнікоў на перамовы ў Расію.
Супрацоўнікі заходняй разведкі сцвярджаюць, што Іран рыхтуе партыю ракет Fateh-110 і Zolfaghar — ракет малой далёкасці, здольных біць па цэлях на адлегласцях 300 і 700 кіламетраў.
Каментары