Расіянін падпаліў сябе на знак пратэсту супраць мабілізацыі, у яго дыягнаставалі 90% апёкаў цела
«Новая газета» публікуе відэа, на якім бачна, як чалавек выходзіць на пляцоўку, дзе спыняюцца аўтобусы, і аблівае сябе з пластыкавай бутэлькі нейкай гаручай вадкасцю.
Надзвычайнае здарэнне адбылося ў нядзелю, 25 верасня, у Разані на аўтавакзале «Цэнтральны» каля 15-й гадзіны. Малады мужчына падпаліў сябе.
На запісе выразна відаць, як хлопец у лёгкай не па надвор'і вопратцы выходзіць за межы платформаў — на пляцоўку, дзе спыняюцца аўтобусы. Тут ён чымсьці абліў сябе з галавой з пластыкавай бутэлькі і ўспыхнуў. Пры гэтым хлопец крыкнуў: «Я не хачу на фронт».
Крыніца ў экстранных службах паведаміла, што папярэдне ў мужчыны апёк 90% паверхні цела. Яго забрала рэанімацыйная брыгада. У шпіталі пацярпелага адразу ж змясцілі ў спецыяльны бокс з падачай кіслароду.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары