Беларус прыдумаў дызайн для каўбасы з беларускай назвай, якую хутка выпусцяць у В'етнаме
У кастрычніку ў В'етнаме пачнуць выпускаць каўбасу пад назвай Smak. Назву і дызайн для мясных вырабаў ручной працы прыдумаў беларус, піша Citydog.
Беларускі брэндынг у в'етнамскай каўбасы з'явіўся дзякуючы Алесю Асоту, «грамадскаму дызайнеру», як ён сам сябе называе. Асноўная ідэя ўсіх работ хлопца — пашырэнне беларускай мовы, гісторыі і культуры праз дызайн.
Па дапамогу да дызайнера звярнуўся Дзіма Іваноў, музыка з беларускага гурта «Адыс Абеба», які разам са сваім украінскім сябрам Міхаілам робіць у Ханоі hand made — каўбасы і мяса. Украінец па пакліканні таксама музыкант, але па адукацыі тэхнолаг, таму тэарэтычныя веды аб тым, як і што рабіць, у яго ёсць.
Неяк сваімі прадуктамі Міхаіл частаваў сяброў і знаёмых. Усім падабалася настолькі, што ў двары здымнага дома хлопец зрабіў невялікую вяндлярню і вырашыў паспрабаваць прадаваць свае вырабы. Пастаўляў мяса спачатку знаёмым, потым вырашыў супрацоўнічаць з мясцовымі барамі і лакальнымі крамамі.
«Хлопцы вырашылі ўсю сваю вытворчасць заправіць добрым знешнім выглядам, таму папрасілі мяне дапамагчы. Я кожны такі шанец выкарыстоўваю на карысць Беларусі. Вынікам стаў такі дызайн», — каментуе Алесь.
Чытайце таксама:
Як прайшло адкрыццё выставы «Восеньскі салон» у Мінску
«Калі вы не гатовыя бачыць пары, якія займаюцца сэксам у пустыні, — гэта не для вас». Мінчанка — пра легендарны фестываль Burning Man у ЗША
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе18
Каментары