Замест «Магніта Мінска» будуць будаваць «Беларускі гандлёвы дом». Плануюць справіцца да канца наступнага года
Мінск скасаваў дамову з іранскай кампаніяй, якая зацягнула будаўніцтва шматфункцыянальнага цэнтра на скрыжаванні пр-та Незалежнасці і вул. Кірылы Тураўскага. На яго месцы цяпер будзе ўзводзіцца «Беларускі гандлёвы дом», піша Office.line.
«Ёсць заданне адкрыць гандлёвы цэнтр. Як альтэрнатыву «Сталіцы». Гэты інвестыцыйны праект сем гадоў не рухаўся, таму мы скасавалі дамову з інвестарам і будзем самі дабудоўваць гэты аб'ект і адкрываць яго як вялікі гандлёвы дом «Выраблена ў Беларусі». Ён павінен пабудавацца да канца наступнага года. Часу ў нас няма. Трэба браць і рабіць», — сказала ў эфіры ток-шоў «Будні» на «Альфа Радыё» намесніца старшыні Мінгарвыканкама Надзея Лазарэвіч.
Комплекс заяўляўся як шматфункцыянальны, у яго складзе мелі быць гатэль, офісы, гандлёва-забаўляльная частка. Цяпер жа канцэпцыя змянілася: замест комплексу вырашылі збудаваць гандлёвы цэнтр з прадстаўленымі ў ім беларускімі брэндамі.
Надзея Лазарэвіч удакладніла, што ў ГЦ можна будзе знайсці не толькі сталічную прадукцыю, але і тавары, якія вырабляюцца ў іншых беларускіх рэгіёнах. У тым ліку, маўляў, там будуць унікальныя рэчы, якія не сустрэнеш у буйных гандлёвых сетках.
Цікавасць з боку кіраўнікоў абласцей і саміх прадпрыемстваў ёсць, тым больш што ім будуць, па словах Лазарэвіч, дадзеныя «прымальныя ўмовы па арэндзе і пісьменнае суправаджэнне». Нічога дзіўнага ў гэтым няма — гэты праект пад асаблівым кантролем Лукашэнкі і ён сам яго нядаўна праанансаваў і даў адпаведныя распараджэнні, наведваючы гандлёвы цэнтр «Сталіца» ў цэнтры Мінска.
Чытайце таксама:
Лукашэнка загадаў пабудаваць гандлёвы цэнтр на месцы іранскага даўгабуду ў Мінску. Проста насупраць іншага гандлёвага цэнтра
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай3
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць2929
Каментары