Літва плануе выдаваць аднаразовыя дазволы на правоз цэменту ў Калінінград
За тры дні да ўнясення расійскага цэменту і алкаголю ў чорны спіс Еўрасаюза з'явілася новая прапанова аб тым, як можна забяспечыць Калінінградскую вобласць пасля таго, як транзіт гэтых тавараў праз Літву будзе спынены, паведамляе Delfi.lt.
Старшыня Камітэта Сейма па замежных справах Лайма Люцыя Андрыкіене пацвердзіла, што абмяркоўваецца магчымасць выдачы аднаразовых дазволаў на перавозку цэменту ў выключных выпадках.
«Калі раптам здарыцца дэфіцыт для спажывання насельніцтва, напрыклад, цэменту (санкцыі на цэмент уступяць у сілу з 10 ліпеня), можна будзе дазволіць перавозку цэменту, але гэта будуць разавыя дазволы. Ніякіх квот ці чагосьці падобнага быць не можа», — сказала яна парталу.
«Такія дзеянні Еўрасаюза былі б лагічныя і не трактаваліся як змякчэнне санкцый супраць Расіі, што закрые вочы на працяглую вайну Расіі супраць Украіны, знішчэнне грамадзянскіх аб'ектаў і насельніцтва. Расія не заслугоўвае ніякіх саступак», — заявіла Андрыкене.
Паводле яе слоў, на гэты момант «відавочна прамы або апасродкаваны ціск Расіі на Еўрасаюз і яго інстытуты, роўна як і ціск, які аказваецца на краіны — члены ЕС».
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты20
Каментары