«Скокнуў з шасціметровай вышыні». Як арыштант змог уцячы з Валадаркі — дзёрзкая гісторыя
За апошнія 30 год было некалькі спробаў уцёкаў з Валадаркі. Адна з іх удалася. Пра той выпадак у выпуску «Ток» расказаў былы начальнік СІЗА №1 Алег Алкаеў.
Гэта было ў 1992 годзе. Прозвішча таго мужчыны — Коўзан.
«Дзёрзкі хлопец, — згадвае Алкаеў. — Ён вельмі прыгожа ўцёк. Прадумаў усё, нікому пра гэта не казаў, рыхтаваўся адзін.
Арыгінальнасць была ў тым, што ён заблакаваў прапаршчыка. Там замок у дзвярах, каб яго адчыніць, трэба ключ уставіць. Ён зрабіў з шахматаў такія круглыя палачкі, зачыніў гэтыя дзверы, і туды іх забіў.
Ён усё ўжо прымерыў загадзя. Ён выйграў сабе некалькі хвілін. Пакуль прапаршчык палачкі не выкалупаў, не мог выскачыць і нават не мог трывогу падняць з таго месца.
Арыштант заскочыў з дапамогай шаста на дах — там шэст такі быў недзе метры чатыры, ім абрывалі перапіску паміж камерамі — і прабег па такім складаным пераходзе.
І скокнуў са сцяны з шасціметровай вышыні. Прычым саскочыў амаль на галаву супрацоўніку — супрацоўнік проста не паверыў, спалохаўся сам: ляціць чалавек уначы».
Затрымалі таго мужчыну месяцы праз два. Яму ўжо зрабілі новы пашпарт, ён збіраўся ехаць у Германію. Але яго ўзялі на запраўцы.
Цалкам інтэрв'ю — у відэа:
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»4
Каментары