«Я абіраю годнасць». Былы палітвязень Ціхан Клюкач сышоў з палка Каліноўскага
Былы палітвязень, 19-гадовы Ціхан Клюкач напісаў у Фэйсбуку, што сышоў з палка Каліноўскага праз асабісты канфлікт з іншым удзельнікам палка, чыё імя не называецца. Прыводзім пост Ціхана.
«На жаль для мяне і не толькі для мяне, я сышоў з палка імя Каліноўскага. Чаму гэта адбылося?
Па-першае, падрабязнасцяў усіх па зразумелых прычынах раскрываць не магу. Па другое, адразу скажу, што прэтэнзій ані да большасці камандавання, ані да хлопцаў не маю. Справа ў адным чалавеку, у нанесенай абразе і спробе прасунуць у палку армейшчыну ў найгоршым разуменні гэтага слова. З боку гэтага чалавека.
Я пайшоў на прынцып. І я не збіраюся цярпець неадэкватныя дзеянні ў дачыненні да мяне, з чыйго б боку яны не зыходзілі, у ваенны час ці ў мірны, усё роўна. Мне неадэквату за паўтара года турмы і зоны хапіла. Калі выбіраць паміж падпарадкаваннем незразумела каму, з хворай фантазіяй і галавой наогул, і асабістай маёй годнасцю, то я абіраю годнасць. І прынцып.
Страх або баязлівасць да гэтай сітуацыі дачынення не маюць. Папракаць мяне баязлівасцю, прабачце, смешна, пасля прыгод у беларускай пенітэнцыярнай сістэме ніякая смерць ужо не страшная.
Зноў скажу, каб не было непаразуменняў, справа не ў палку, справа ў адным чалавеку. А на каліноўцаў працягваю спадзявацца, як на адзіную пакуль што рэальную сілу, што ставіць сваёй канчатковай мэтай фізічнае знішчэнне рэжыму Лукашэнкі. У іх свой шлях, у мяне свой. А мая барацьба трывае, дзе б я ні быў», — напісаў Клюкач.
«Спадзяюся, мяне прымуць у батальён Каліноўскага». 19-гадовы Ціхан Клюкач — пра катаванні палітвязняў і каханне, пранесенае праз краты
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары