Генерал Скот Берыер (Scott Berrier), кіраўнік Разведвальнага ўпраўлення Мінабароны ЗША, прызнаў важную памылку. На ягоную думку, не толькі расійскія эксперты, але і амерыканскія недаацанілі ўзровень рашучасці і падрыхтаванасці ўкраінскай арміі.
Падчас слуханняў у амерыканскім Сенаце перад камітэтам па разведцы Скот Берыер прызнаў, што ацэнкі амерыканскай разведкі выявіліся зусім памылковымі.
Генерал сцвярджае, што ён раней лічыў украінскую армію недастаткова баяздольнай. Ён таксама сумняваўся ў жаданні ўкраінцаў змагацца. Але, прызнае Берыер, з яго боку гэта была няправільная ацэнка, бо ўкраінцы ваююць мужна і годна, а дзейнічаюць разумна.
Як Берыер, так і кіраўнік ЦРУ Біл Бёрнс і дырэктар Нацынальнай разведкі ЗША Эврыл Хейнс падкрэслілі, што Расія таксама недаацаніла ўкраінцаў. Напад на Украіну агаліў слабасці расійскай арміі, у тым ліку паскуднае планаванне ваеннай аперацыі і нізкі баявы дух вайскоўцаў.
Берыер і Хейнс таксама выказаліся наконт перадачы Украіне польскіх Мігаў. Берыер падтрымаў меркаванне Пентагона аб тым, што перадача знішчальнікаў украінскай арміі не прынясе ёй вялікай карысці, а толькі павысіць рызыку эскалацыі канфлікту. Генерал таксама падкрэсліў, што ўкраінцы даволі добра выкарыстоўваюць тую супрацьпаветраную зброю, якая ў іх ўжо ёсць.
Міхаіл Зыгар: Пуціна цікавіць цяпер толькі мінулае, а слухае ён толькі Юрыя Кавальчука
«Мы проста марылі патрапіць у карцар». Мінчанка расказала пра здзекі з затрыманых у ізалятарах
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары