Гродзенца за «перашкоды руху транспарту» ў верасні 2020-га не толькі асудзілі, але і канфіскавалі машыну
32-гадоваму гродзенцу Д. інкрымінавалі актыўны ўдзел у групавых дзеяннях, якія груба парушаюць грамадскі парадак, за тое, што ён спыніўся на машыне на мосце праз Нёман. Пра гэта паведаміла гродзенская пракуратура.
У верасні 2020, паводле версіі следства, падчас пратэснага маршу гродзенец спыніў свой аўтамабіль Toyota Yaris у цэнтральнай частцы Гродна на мосце праз Нёман, і гэтым перашкаджаў руху іншага транспарту. Суд Кастрычніцкага раёна Гродна прызначыў за гэта пакаранне ў выглядзе пазбаўлення волі на тэрмін 1 год з адбываннем у папраўчай калоніі ва ўмовах агульнага рэжыму.
Пры гэтым машыну дзяржава забрала сабе: яна канфіскаваная «як сродак здзяйснення злачынства».
Прозвішча асуджанага не называецца, але тэлеграм-канал «Право имеют» адзначае:
«Пад апісаныя звесткі падыходзіць 32-гадовы палітвязень Іван Дуброўскі. Раней акалічнасці яго справы не траплялі да журналістаў і праваабаронцаў. Пацвердзіць, што гэта менавіта яго крымінальная справа, не ўдалося».
Чытайце таксама:
«Ужывалі мефедрон, выходзілі на пратэсты і арганізоўвалі забароненыя аўтапрабегі». У Гродне сямейную пару збіраюцца судзіць адразу і за наркотыкі, і за палітыку
Сямейную пару з Гродна пакаралі за ўдзел у вераснёўскім маршы 2020 года вялікімі тэрмінамі. Жанчына — дачка вядомага адэпта Лукашэнкі
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары