Урад Швейцарыі патлумачыў, навошта яму цяпер трэба пасол у Мінску
МЗС Швейцарыі адказаў тэлеканалу «Белсат», чаму прыняў рашэнне аб прызначэнні пасла ў Беларусь. Дыпламаты перакананыя, што вырашыць крызіс у Беларусі можна толькі з прыцягненнем усіх адпаведных палітычных суб’ектаў.
У МЗС Швейцарыі заявілі, што рашэнне аб накіраванні новага пасла ў Мінск было прынята пасля ўважлівага разгляду многіх акалічнасцяў:
«Для Швейцарыі было важна заставацца прадстаўленай на самым высокім узроўні ў Менску. Такім чынам, Швейцарыя можа выканаць сваю традыцыйную і прызнаную ролю ў якасці будаўніка мастоў для міжнароднай супольнасці. Швейцарыя бярэцца за гэта з неабходнай стараннасцю і ў поўнай салідарнасці з еўрапейскімі каштоўнасцямі і прынцыпамі».
Што да ўручэння даверчых грамат Лукашэнку, то:
«Уручэнне даверчых грамат не зʼяўляецца актам прызнання для Швейцарыі. Акрэдытацыя пасла ўстанаўлівае адносіны паміж афіцыйным прадстаўніком краіны, якая накіроўвае, і дзяржавы знаходжання, якія рэгулююцца Венскай канвенцыяй аб дыпламатычных адносінах».
На думку прадстаўнікоў швейцарскага МЗС, новы пасол будзе імкнуцца да таго, каб данесці да Беларусі ключавыя патрабаванні Швейцарыі. Сярод іншага, гэта вызваленне ўсіх адвольна затрыманых, расследаванне цяжкіх выпадкаў катаванняў і жорсткага абыходжання, а таксама свабода выказвання меркаванняў.
А грамадзянку Швейцарыі Наталлю Хершэ, якая адбывае зняволенне па палітычных матывах у беларускай турме, швейцарскія дыпламаты наведвалі 14 разоў, апошні раз 11 студзеня 2022 года.
Чытайце таксама:
Наталля Хершэ спыніла галадоўку
Амбасадарка Швейцарыі з'ездзіць да Наталлі Хершэ
Швейцарыя накіруе пасла ў Беларусь. Гэта можа быць звязана і з Наталляй Хершэ
«У мяне ўжо гэта адбалела». Палітзняволеная Наталля Хершэ — пра разрыў адносін з мужам
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў64
Каментары