Міністр абароны Вялікабрытаніі: Вялікабрытанія мусіць быць гатовая да вайны з Расіяй
Міністр абароны Вялікабрытаніі Нік Картэр кажа, што пагроза Расіі ва Ўсходняй Еўропе вырасла, але ён не лічыць, што Расія захоча сапраўднай вайны, паведамляе Guardian.
Міністр абароны Вялікабрытаніі, які праз месяц пакідае пост, папярэджвае, што НАТА мусіць быць гатовае да вайны з Расіяй, хаця не думае, што Пуцін хоча менавіта фізічнага канфлікту. За тыя восем год, якія Картэр займае пасаду міністра, пагроза з боку Расіі ў рэгіёне сур’ёзна вырасла.
Ліз Трас, міністр замежных спраў Брытаніі, прасіла на гэтых выходных Пуціна ўмяшацца ў «ганебны штучна створаны мігранцкі крызіс» на мяжы Беларусі і Польшчы.
Былы агент МІ6 (сакрэтная выведка пры Міністэрстве замежных спраў Брытаніі) Крыстафер Сціл заявіў нядаўна, што кіраўніцтва Расіі лічыць, нібыта яны ў стане вайны з Брытаніяй і яе саюзнікамі.
Каментуючы гэтую заяву, Картэр сказаў, што ён у цэлым згодны з апісаннем сітуацыі.
«Пытанне, вядома, у тым, што разумець пад вайной, і я як жаўнер разумеў бы хутчэй пад словам вайна — сапраўдны бой ці сутыкненне, але не думаю, што яны [Масква] хочуць гэтага. Думаю, яны хочуць паспрабаваць дамагчыся сваіх мэтаў больш тонкім шляхам».
Картэр патлумачыў BBC, што значыць гібрыдная гульня з боку Расіі: яны дэзынфармуюць людзей, а гэта ў сваю чаргу дэстабілізуе сітуацыю.
І выпадак з мігрантамі, якіх штурхаюць перайсці мяжу з ЕС — класічны прыклад такой гульні.
Новае абвастрэнне на мяжы: што не так з аргументамі лукашэнкаўцаў?
Небяспечны крызіс на Балканах: яшчэ адна магчымасць новай вайны
Цяпер чытаюць
«Лукашэнка такі: Назарбаеў кажа, што трэба сыходзіць, а я не бачу пераемнікаў». Семчанка — пра сустрэчу з Лукашэнкам летам 2020‑га10
Каментары