Падчас беспарадкаў у лагеры мігрантаў у Медзінінкай прыйшлося ўжыць слёзатачывы газ
8 лістапада падчас беспарадкаў у лагеры мігрантаў у Медзінінкай (Літва) давялося прымяніць слёзатачывы газ, разглядаюць пытанне правядзення расследаванняў.
«Калі мігрантаў спрабавалі супакоіць, некаторыя аказвалі супраціў, хапаліся за зброю і г. д., прыйшлося прымяніць слёзатачывы газ, ніхто не пацярпеў», — сказаў Delfi.lt прадстаўнік Службы аховы дзяржаўнай мяжы Гедрус Мішуціс.
У лагеры, што знаходзіцца на тэрыторыі Школы памежнікаў, пратэставалі некалькі сотняў мігрантаў, аднак да вечара акцыя пратэсту працягвалася толькі там, дзе жывуць сем'і. Па словах Мішуціса, на некалькіх бунтаўшчыкоў надзелі кайданкі, іх аддзялілі ад іншых мігрантаў. Цяпер разглядаюць пытанне правядзення расследавання.
Мішуціс сказаў, што былі выкліканыя дактары, аднак дапамога патрабавалася не з-за прымянення газу. «Хуткую выклікалі для жанчыны з іншага сектара, ёй стала дрэнна», — распавёў ён. Цяпер у Мядзінінкай спакойна.
Беспарадкі ў панядзелак фіксаваліся таксама ў Кібартай і ў Пабрадзе, дзе знаходзяцца лагеры ўцекачоў, а таксама ў Рукле (Ёнаўскі раён), аднак там інцыдэнтаў не было.
Цікава, што акцыі пратэсту ў літоўскіх лагерах бежанцаў прайшлі ў той дзень, калі вялікая калона мігрантаў у Беларусі ішла ў бок мяжы з Польшчай.
-
29‑гадовую мадэль і псіхолага з Гомеля асудзілі за палітыку. Меркавана, за Гаюна
-
Як улады Мінска зразумеюць, у каго жывуць незарэгістраваныя сабакі? Разлік на неабыякавых суседзяў
-
Беларуска прасіла блізкіх патроху перавозіць у Польшчу яе зберажэнні. А потым купіла кватэру — і банк заблакаваў 1 мільён злотых
Беларуска кліча на вяселле зорку «Універа», які за вайну. Упрэгся ўвесь Threads7
Каментары