«Разам мы рабілі неверагоднае»: Гётэ-інстытут у Беларусі прыпыніў працу
«З вялікім шкадаваннем мы прыпыняем з сёння нашу дзейнасць у Беларусі. У апошнія дні і тыдні мы займаліся спыненнем нашых праектаў, нашых прапаноў у сферы мовы і адукацыі, а таксама працы бібліятэкі. Гэтыя задачы падаюцца вельмі цяжкімі, бо за 27 гадоў мы пабудавалі ў гэтых сферах адмысловую і эфектыўную сетку.
Мы суправаджалі цэлыя пакаленні ў вывучэнні нямецкай мовы і тым самым адкрывалі для іх новыя прафесійныя і асабістыя шанцы. Разам з вялікай колькасцю дзеячаў культуры мы напаўнялі жыццём культурны дыялог паміж нашымі краінамі. І мы стварылі ў цэнтры Мінска месца, дзе можна было разам вучыцца, чытаць, размаўляць і святкаваць», — гаворыцца на старонцы Інстытута ў фэйсбуку.
«Разам мы зрабілі неверагоднае і даказалі, што культура і адукацыя працуюць нават у цяжкіх умовах. Культура — гэта камунікацыя, і за гэта выступае наш інстытут — за адкрыты, крытычны і зацікаўлены абмен паміж людзьмі».
У чэрвені беларускія ўлады запатрабавалі прыпыніць працу ў Беларусі Гётэ-Інстытута і Германскай службы акадэмічных абменаў (DAAD).
Гётэ-інстытут — славутая нямецкая няўрадавая арганізацыя, якая дзейнічала ў Мінску 27 гадоў. Ён усяляк прасоўваў за мяжой нямецкую культуру. На яго базе працавалі курсы нямецкай мовы і ладзіліся культурныя выставы, дзякуючы гэтай установе выходзілі пераклады на беларускую мову нямецкамоўнай класікі.
157 аддзяленняў Інстытута працуюць у 98 краінах свету. Але, па словах Ёханэса Эберта, генеральнага сакратара Гётэ-Інстытута, яго ўстанова ўпершыню сутыкнулася з такім развіццём падзей.
Цяпер чытаюць
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары