Міліцыя паведаміла пра затрыманне работніка банка за «зліў звестак» сілавікоў і дзяржслужачых
Аператыўнікі ГУБАЗіК вылічылі 44-гадовага жыхара сталіцы, які перадаваў ідэнтыфікацыйныя звесткі аб дзяржслужачых у «экстрэмісцкі тэлеграм-канал».
Паведамляецца, што мужчына працаваў вядучым спецыялістам па эканамічнай бяспецы аднаго з камерцыйных банкаў, а да гэтага — у праваахоўных органах Беларусі. Перад звальненнем мінчук забраў даведачную інфармацыю аб прадстаўніках органаў пракуратуры, падраздзяленняў камітэта судовых экспертыз, ДФР, СК і грамадзянскіх арганізацый.
У матэрыялах для службовага карыстання ўтрымліваліся прозвішча, імя супрацоўнікаў, іх адрасы пражывання, назва пасад, спецыяльных званняў, нумары службовых і асабістых мабільных тэлефонаў. Усё гэта публікавалася ў адкрытым доступе.
Распачата крымінальная справа за распальванне сацыяльнай варожасці або варожасці, здзейсненае групай асоб (арт. 130)
Мужчына знаходзіцца ў ізалятары.
Каментары