Абаронцы правоў жывёл незадаволеныя.
Па ўсім свеце набірае папулярнасць тэндэнцыя развядзення рыбы ў рэзервуарах на зямлі. Але што гэта можа значыць для ўладальнікаў звыклых нам марскіх ласасёвых ферм? І якія вынікі дасць развядзенне рыбы ў такіх умовах?
У амерыканскім штаце Фларыда існуе ласасёвая ферма Bluehouse. Яе рэзервуары ўжо цяпер змяшчаюць пяць мільёнаў рыб, што за год складае амаль 10 тысяч тон рыбы. Але нарвежская кампанія Atlantic Sapphire, якой належыць ферма, мае больш амбіцыйныя мэты — зрабіць Bluehouse найвялікшай рыбнай фермай у свеце, піша ВВС.
Такія фермы працуюць пры дапамозе замкнёнага водазабеспячэння — метаду, які быў вядомы раней, але пачаў выкарыстоўвацца ў камерцыйных маштабах толькі ў апошнія гады. Такая сістэма кантралюе ўсе паказчыкі — ад тэмпературы, салёнасці і кіслотнасці вады да ўзроўню кіслароду, штучных цячэнняў, асвятлення і выдалення вуглякіслага газу і адкідаў. Паколькі сістэма працуе замкнёна, ласосю на пагражаюць хваробы марскога паходжання і паразіты, таму пры развядзенні такой рыбы не трэба прымяняць антыбіётыкі ці пестыцыды.
Але на прыкладзе Bluehouse бачна, што наземнае развядзенне рыбы не заўсёды праходзіць без цяжкасцей. Напрыклад, год таму на ферме ўзніклі праблемы з якасцю вады, праз што шмат рыбы магло загінуць. У сакавіку іншая праблема выклікала гібель рыб, а ў гэтым месяцы тры супрацоўнікі фермы апынуліся ў шпіталі праз наступствы выкіду невядомага газу.
Таму не дзіва, што арганізацыя абаронцаў жывёл People for the Ethical Treatment of Animals (Peta) мае прэтэнзіі да Bluehouse і яшчэ прыкладна 40 наземных рыбных ферм па ўсім свеце. Дон Кар (Dawn Carr), дырэктарка карпаратыўных праектаў Peta ў сферы веганства, называе рыбныя фермы бруднымі ямамі і сцвярджае, што штучнае развядзенне рыбы нясе выключна жорсткі характар.
Тым не менш, выраблены ў фларыдскай ферме ласось заваёўвае папулярнасць у ЗША, і колькасць такіх ферм расце ва ўсім свеце. Ці варта хвалявацца ўласнікам звычайных марскіх рыбных ферм у Нарвегіі ці Шатландыі? Эксперты кажуць, што кошт вырабленага ў наземных рэзервуарах ласося можа аказацца занадта высокім, і для некаторых вытворцаў такая праца акажацца непрыбытковай. У дадатак, ласось, выраблены ў традыцыйных умовах, мае рэпутацыю больш якаснага прадукту.
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
-
«Лега» абвяшчае рэвалюцыю: прэзентаваная сістэма, якая ажыўляе кубікі без смартфонаў. Вось як яна працуе і колькі каштуе
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары