У Смалявіцкім раёне жыхары працягваюць змагацца супраць сажалкі для адкідаў з Мінска
У Смалявіцкім раёне хуткімі тэмпамі будуюць аб’ект пад назвай «Сажалка-накапляльнік №19», куды штодзённа будуць звозіць адкіды з ачышчальных збудаванняў Мінска. Але людзі працягваюць змагацца, патрабуючы неадкладна прыпыніць будаўніцтва і правесці праверку, піша Ex-press.live.
Людзі ўжо сабралі больш за 3000 подпісаў і накіравалі звароты ў Міністэрства абароны і пракуратуру. Акрамя таго, жыхары запісваюць відэазвароты і распаўсюджваюць іх у сацсетках.
Пачатак будаўніцтва выклікаў абурэнне ў Жодзіне і суседніх вёсках, бо працы пачаліся без грамадскага абмеркавання і афіцыйных паведамленняў. Гэта супярэчыць экалагічнаму заканадаўству і пастанове Мінобороны №20. Людзі лічаць, што будаўніцтва вядзецца з парушэннямі, і што аб’ект у межах дзеючага вайсковага палігона можа быць небяспечным для здароўя, а таксама пагражаць забруджваннем глебы і падземных вод.
Асноўныя прэтэнзіі жыхароў:
-
парушэнне прыродаахоўных нормаў і правілаў карыстання зямлёй;
-
адсутнасць дазволаў і грамадскага ўзгаднення;
-
небяспечнае размяшчэнне ў зоне магчымых выбухаў.
Жыхары патрабуюць:
-
правесці поўную праверку законнасці і бяспекі будаўніцтва;
-
прыпыніць працы да яе завяршэння;
-
прыцягнуць вінаватых да адказнасці.
Чакаецца выязная інспекцыя, а патрабаванні будуць перададзеныя асабіста міністру абароны. У сацыяльных сетках працягваецца актыўная інфармацыйная кампанія: людзі патрабуюць празрыстасці, законнасці і гарантый бяспекі.
Раней прадстаўнікі Мінпрыроды на сустрэчы з насельніцтвам заявілі, што праект адпавядае экалагічнаму заканадаўству. Аднак міліцыя ўжо ўмяшалася: быў выдалены тэлеграм-чат, дзе абмяркоўвалі будаўніцтва, і канфіскаваныя ўсе бланкі з подпісамі супраць праекта.
Варта адзначыць, што падобны аб’ект спрабавалі будаваць у Пухавічах і Маладзечне, але дзякуючы пратэстам мясцовых жыхароў планы былі адмененыя.
«Прычын замарожваць будоўлю няма». Чыноўнікі сустрэліся з пратэстоўцамі супраць вадасховішча для адкідаў пад Жодзінам
«Завод па перапрацоўцы глею». У справе будаўніцтва каналізацыйнага прыёмніка пад Жодзінам новы паварот
Пад Жодзінам будуюць прыёмнік для фекалій з Мінска. Мясцовыя супраць, але пратэставаць ім не даюць
Цяпер чытаюць
У базе сілавікоў «БЕСпарадкі» больш за 100 тысяч чалавек20
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Даволі моцны наглядны вобраз.
І дзейны палігон там сапраўды вельмі недалёка.
Ябатькам плевать, им куда-то, надо своё го.....вно пристраивать, а что кому-то воняет, экологию портит, так на тех губопик и кгб есть.