Больш за 60 кампаній з Беларусі вядуць перамовы аб пераездзе ў Літву, паведаміла міністр эканомікі і інавацый краіны Аўшрыне Армонайтэ, піша Interfax.
Міністр падкрэсліла, што ў мінулым годзе дзеянні беларускага рэжыму вымусілі прадпрымальнікаў з'язджаць за мяжу, а Літве прыйшлося вырашаць складаныя пытанні рэлакацыі.
«Сёння беларускія кампаніі ўжо засноўваюцца ў Літве, таксама больш за 60 кампаній вядуць перамовы аб магчымасцях пераезду ў Літву. Таму мы павінны захоўваць тэмп і працягваць удасканаленне рэгулявання бізнэсу, каб у вачах суседніх краін мы выглядалі як найбольш прывабныя і перамагалі ў канкурэнтнай барацьбе», — адзначыла Армонайтэ.
З пачатку пратэстаў у Беларусі, акрамя Epam Systems, аб планах застацца ў Літве заявілі і іншыя беларускія кампаніі — Wargaming, Flo Health, Coherent Solutions, Godel Technologies.
Кіраўнік агенцтва заахвочвання замежных інвестыцый у Літве Investuok Lietuvoje Мантас Катынас сказаў, што, нягледзячы на выклікі пандэміі, у сферы прыцягнення інвестыцый Літва трымае высокую планку. Паводле яго слоў, тое, што Літву абралі такія стваральнікі гульнявых праграм для смартфонаў, як Wargaming, дазваляе спадзявацца на значнае развіццё гэтай індустрыі ў краіне.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы41
Каментары