Bolš za 60 kampanij ź Biełarusi viaduć pieramovy ab pierajeździe ŭ Litvu, paviedamiła ministr ekanomiki i inavacyj krainy Aŭšrynie Armonajte, piša Interfax.
Ministr padkreśliła, što ŭ minułym hodzie dziejańni biełaruskaha režymu vymusili pradprymalnikaŭ źjazdžać za miažu, a Litvie pryjšłosia vyrašać składanyja pytańni rełakacyi.
«Siońnia biełaruskija kampanii ŭžo zasnoŭvajucca ŭ Litvie, taksama bolš za 60 kampanij viaduć pieramovy ab mahčymaściach pierajezdu ŭ Litvu. Tamu my pavinny zachoŭvać temp i praciahvać udaskanaleńnie rehulavańnia biznesu, kab u vačach susiednich krain my vyhladali jak najbolš pryvabnyja i pieramahali ŭ kankurentnaj baraćbie», — adznačyła Armonajte.
Z pačatku pratestaŭ u Biełarusi, akramia Epam Systems, ab płanach zastacca ŭ Litvie zajavili i inšyja biełaruskija kampanii — Wargaming, Flo Health, Coherent Solutions, Godel Technologies.
Kiraŭnik ahienctva zaachvočvańnia zamiežnych inviestycyj u Litvie Investuok Lietuvoje Mantas Katynas skazaŭ, što, niahledziačy na vykliki pandemii, u śfiery pryciahnieńnia inviestycyj Litva trymaje vysokuju płanku. Pavodle jaho słoŭ, toje, što Litvu abrali takija stvaralniki hulniavych prahram dla smartfonaŭ, jak Wargaming, dazvalaje spadziavacca na značnaje raźvićcio hetaj industryi ŭ krainie.
Kamientary