Газпрамбанк палічыў неістотнымі для сябе наступствы сітуацыі з беларускай «дачкой»
Расійская група кампаній Газпрамбанк, адзін з ключавых акцыянераў Белгазпрамбанка, 17 чэрвеня апублікавала вынікі дзейнасці за 1-ы квартал 2020 года ў адпаведнасці з Міжнароднымі стандартамі фінансавай справаздачнасці (МСФС). У матэрыялах дадзена ацэнка менеджменту на магчымыя эканамічныя наступствы для групы ад дзеянняў дзяржорганаў Беларусі ў дачыненні да Белгазпрамбанка, піша Tut.by.
На мінулым тыдні Дэпартамент фінансавых расследаванняў Камітэта дзяржкантролю Беларусі распачаў крымінальныя справы ў дачыненні да шэрагу членаў праўлення Белгазпрамбанка. Яны былі затрыманыя. У выніку праўленне Нацбанка Беларусі ўвяло з 15 чэрвеня часовую адміністрацыю па кіраванні Белгазпрамбанкам. Паўнамоцтвы членаў праўлення беларускага банка спыненыя.
«На дату выпуску сапраўднай скарочанай кансалідаванай прамежкавай фінансавай інфармацыі менеджмент ацэньвае магчымыя эканамічныя наступствы паказаных дзеянняў дзяржаўных органаў Рэспублікі Беларусь для групы як неістотныя», — вынікае са справаздачы Газпромбанка па МСФС.
Згодна са звесткамі Інтэрфакса, доля Белгазпрамбанка у актывах групы Газпрамбанка па выніках 2019 года складала 2% (147 млрд расійскіх рублёў з 6,68 трлн расійскіх рублёў).
«Газпраму» і Газпрамбанку належаць па 49,8% акцый Белгазпрамбанка, які 20 гадоў узначальваў Віктар Бабарыка.
Цяпер чытаюць
Лукашэнка: Размова з Макронам доўжылася 1 гадзіну 40 хвілін. Пройдуць перамовы з прадстаўніком Францыі5
Каментары