Памятаеце кніжны кірмаш на вуліцы Янкі Купалы каля былога будынка «Белэкспа»? У 2017 годзе павільёны знеслі пад забудову тэрыторыі арабскім інвестарам. Тады кірмаш падзяліўся і пераехаў у розныя гандлёвыя цэнтры. З сакавіка 2020 года «Свет кніг» працуе ў ГЦ «Сталіца», перадае TUT.BY.
Пасля пераезду з «Белэкспа» ў 2017 годзе кніжнікі размясціліся на трэцім паверсе «Арэна-Сіці» і ў гандлёвым цэнтры «Купалаўскі». З сакавіка кірмаш «Свет кніг» пераехаў у ГЦ «Сталіца», ён працуе ў павільёне 412 на сярэднім (другім) узроўні. Але перабраліся сюды зноў далёка не ўсе прадаўцы кніг.
У «Сталіцы» прадаюць дзіцячую літаратуру, навучальную для школьнікаў і для дарослых, фантастыку, навуковыя апавяданні, біяграфічныя кнігі, канцтавары і дзіцячыя цацкі.
Дырэктар кірмашу «Свет кніг» Дзмітрый Макараў распавядае, што на новым месцы працуюць юрыдычныя асобы, якія наўпрост супрацоўнічаюць з выдавецтвамі, а не прадпрымальнікі, як раней.
У «Арэна-Сіці» засталося каля 10 прадпрымальнікаў. Яны ўсё роўна займаюць значную частку паверха ў гандлёвым цэнтры. Тут таксама прадаюць дзіцячую літаратуру і эзатэрыку, нон-фікшн, мастацкую, гістарычную і вучэбную літаратуру.
Выходзіць, цяпер стары кніжны кірмаш разбіты на тры лакацыі: пад брэндам «Свет кніг» — у «Сталіцы», а ад індывідуальных прадпрымальнікаў — у гандлёвых цэнтрах «Арэна-Сіці» і ў «Купалаўскім».
Што ж тычыцца начной кніжнай выставы на Даўмана, то з-за эпідэміялагічнай сітуацыі ў краіне ў красавіку яна не працуе.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары