Былы прэзідэнт Францыі Нікаля Сарказі падчас дыскусіі з экс-прэм'ерам Іспаніі Хасэ Аснарам на канферэнцыі ў Мадрыдзе заявіў, што агульныя праблемы ліберальных партый неад'емна звязаны з крызісам Еўропы. Паводле яго слоў, цэнтр свету зараз зрушыўся на ўсход, паведамляе РБК.
«Калі нехта думае, што праблема толькі з палітычнымі партыямі, то ён выпускае з-пад увагі заняпад Еўропы, заняпад Захаду. (…) З 7 млрд чалавек, якія насяляюць Зямлю, 4 млрд жывуць у Азіі, а ў цэнтры (у Еўропе) толькі 800 млн. Мы больш не стрыжань зямлі, і для гэтага ёсць дэмаграфічныя прычыны», — патлумачыў Сарказі. «Як можна абараняць дэмакратычныя каштоўнасці ў свеце, у якім мы ўжо не прэваліруем?» — дадаў ён.
Сарказі скептычна адазваўся і пра Еўрапейскі саюз. «Я перакананы еўрацэнтрыст. Але як можна стварыць адзінае цэлае з 27 розных дзяржаў? Пры гэтым існуе чатыры розныя еўрапейскія аб'яднанні: зона Шэнгена, зона еўра, абаронны саюз і сам па сабе ЕС. Усе гэтыя структуры зусім розныя», — заявіў былы прэзідэнт Францыі, параіў не думаць састарэлымі катэгорыямі.
Пры гэтым Сарказі выказаўся супраць падзелу Еўропы на часткі. Паводле яго слоў, крызіс дэмакратыі прыводзіць да сепаратызму. «Нам патрэбна новая мэта», — заявіў ён
Цяпер чытаюць
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?2
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары