Мужчына рабіў злачынныя дзеянні ў дачыненні да малалетніх не толькі ў Полацкім, але і Мінскім раёне. Падзея, пасля якой яго ўдалося затрымаць, адбылася ў красавіку, паведамляе БелТА са спасылкай на абласную міліцыю.
Навучэнцы 8-га класа Дыяна Сачак, Злата Дзягель і Мілена Арол падчас прагулкі каля ракі Палата ў зарасніку заўважылі дарослага мужчыну. У яго на каленях сядзела напаўаголеныя малая дзяўчынка. Школьніцы забілі трывогу — зламыснік спалохаўся і паспяшаўся сысці. Дзяўчынкі вырашылі за ім прасачыць, на дапамогу паклікалі знаёмых хлопцаў Максіма Бубнова, Цімафея Карасёва, Марка Лешчанку, Гасана Гусейнава, Рэната Хамзаева, Уладзіслава Шпета і Дзяніса Макаевіча.
Хлопцы далучыліся і пачалі пераследваць патэнцыйнага злачынцу, пры гэтым хлопцы задавалі яму пытанні, што менавіта ён рабіў з маленькай дзяўчынкай, куды накіроўваецца, адзін з хлопцаў патэлефанаваў бацьку, распавёў, што здарылася, папрасіў выклікаць міліцыю, паведамляў па тэлефоне, куды яны ідуць. У выніку, зламысніка ўдалося затрымаць.
Мужчыну затрымалі. Зараз заведзена крымінальная справа па факце гвалтоўных дзеянняў сэксуальнага характару ў дачыненні да малалетняй.
Падчас следства ў падазраванага былі канфіскаваныя біяўзоры, якія пацвердзілі дачыненне да здзяйснення злачынства ў дачыненні да малалетняй ў лютым 2017 года ў Мінскім раёне. Перад судом мужчына будзе адказваць за ўчыненне двух асабліва цяжкіх злачынстваў.
Каментары