Фэст «Кіламетр грамадскай актыўнасці» — фэст для тых, хто ўмее пераадольваць дыстанцыі. Музычным хэдлайнерам фестывалю будзе гурт AKUTE.
1 чэрвеня прастора ОК16 (Менск, вул. Кастрычніцкая, 16) адчыніць свае дзверы для «Кіламетра грамадскай актыўнасці». На фэсце ты пазнаёмішся з беларускімі грамадскімі арганізацыямі і актывістамі.
З 13:00 да 20:00 на адкрытай пляцоўцы і ў залях ОК 16 будуць праходзіць лекцыі, майстар-класы, дыскусіі ад розных арганізацыяў і экспертаў на тэмы экалогіі, гендара, смяротнага пакарання, правоў чалавека, мовы і культуры.
Падчас фэста будзе дзейнічаць фры-маркет і «Жывая Бібліятэка». Гасцям імпрэзы прапануецца паўдзельнічаць у захапляльным квэсце.
Напрыканцы ўдзельнікаў і гасцей фэста чакае музычны выступ беларускага гурта AKUTE.
Калі хочаш пазнаёміць наведвальнікаў фэста з дзейнасцю сваёй арганізацыі ці жадаеш прадставіць свой грамадска значны праект, пакідай заяўку тут да 20.05.
Адзін кіламетр — гэта тысяча метраў, а «Кіламетр грамадскай актыўнасці» — гэта тысяча ідэяў, каб палепшыць свет. Далучайся!
Цяпер чытаюць
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара16
Каментары